Mahaia - www.jjggalava.eus

Mahaia Batzar Nagusien organo gidaria da. Batzar Nagusietako lehendakariak zuzentzen du Mahaia eta Batzarren taldeko ordezkaritza du parte hartzen dituen ekitaldietan (41.1 artikulua). 

Lehendakariak, bi lehendakariordek (1. eta 2.) eta bi idazkarik osatzen dute. Mahaiak -lehendakaritzak proposatuta- izendatutako legelari baten laguntza izango dute. 

Funtzioak (44.1. artikulua):

Administrazio eta antolakuntzako funtzioak, eta baita langileen burutza funtzioak ere. Ganberako aurrekontuen proiektua egitea, bai eta horien behin behineko aldaketak, aurrekontu horren exekuzioa zuzendu eta kontrolatzea, betetzearen justifikazioa, gastua ordenatzea eta batzarkide-taldeei exekuzio-mailaren berri ematea. 

Batzar Nagusietara zuzendutako agiriak kalifikatuko ditu, eta izapidetzeko onartzen dituen edo ez eta nola izapidetuko dituzten erabakiko du. 

Batzarren jarduera sustatuko du eta Osoko Bilkuren zein batzordeen lan-egutegiak finkatuko ditu. Organoen lanak koordinatzeaz gain, osoko bilkuraren eta batzordeen egutegia ezarriko du. 

Erabakiak berriz kontsideratzea: Bozeramaileen Batzarrari entzun ondoren, kalifikatzeko erabakiei eta agirien tramitazioari buruz berriz aztertzeko egiten diren eskaerak ebatziko ditu (44.2 artikulua). 

Horrez gain, izaera osagarriz, Araudiak ematen dion beste eta ezein organo espezifikori esleitu ez zaion beste edozein funtzio betetzen du.