Alegazioak

Herritarrek alegazioak egitea foru-arau proiektuei eta foru-arau proposamenei

 

Zertan datza izapide hau?

Arabako Batzar Nagusien Funtzionamendu araudiaren 128.2 artikulua aplikatuz, Mahaiak izapidetzeko onartu dituen foru-arau proiektuak zein Osoko Bilkurak aintzat hartu dituen foru-arau proposamenak herritarren esku jarriko dira eta 10 eguneko epea irekiko da (5 egun presako izapidetza bada), eta 10 egun horietan herritarrek (norbanakoek edo elkarte edo antolakundeen bidez) alegazioak aurkeztu ahal izango dituzte Idazkaritza Nagusian. Aurkeztutako alegazioak berehala helaraziko zaizkie batzarkide-taldeei. 

Zein proiektu eta proposamenei aurkeztu dakizkieke alegazioak? 

Jarraian alegazio-izapidetzan dauden foru-arau proiektuak eta proposamenak ikus ditzakezu, bai eta zein egunetan iraungitzen den aurkezteko epea. 

ALEGAZIOAK AURKEZTEKO AZKEN EGUNA

                        2021/01/19

Nola egin behar dira alegazioak? 

Horretarako berariaz ezarritako eredua erabiliz. Honako esteka honetan edo Arabako Batzar Nagusietako Idazkaritza Nagusian eskuratu dezakezu. 

 

Arabako Lurralde Historikoko Aurrekontu Exekuzioaren foru-arau proiektuaren izapidetza

Aurrekontu-exekuzioaren foru-arau proiektuari alegazioak egiten dizkieten gizarte-eragileek eta antolakundeek, alegazioen formularioan bertan, agerraldia egiteko eskatzea daukate, hain zuzen ere alegazioak Ogasun, Finantza eta Aurrekontu Batzordean aurkezte aldera batzarkide-taldeek zuzenketak egiteko epea bukatu aurretik.

Non aurkezten dira alegazioak? 

Presentzialki

Betetako eta sinatutako formularioa aurkeztuz Arabako Batzar Nagusietako Idazkaritza Nagusiaren erregistroan. 

Ordutegia: 8:00etatik 15:00etara

Helbidea: Vicente Goikoetxea, 2 01008 Vitoria-Gasteiz

Telematikoki

Formularioa bete, sinatu eta eskaneatu, eta posta elektronikoz bidali.