null Gobernuaren kontrolerako martxoko saioa

Gobernuaren kontrolerako martxoko saioa

Kontroleko osoko bilkura
2021 mar. 03

Gaur goizean, martxoko foru gobernuaren kontrolerako osoko bilkura egin da Arabako Batzar Nagusietan, hibetero lehenengo asteazkenean bezala. Organo horren aurrean, gobernuko kideek batzarkide taldeek egindako bost interpelazio eta zortzi galderari erantzun diete.

Saioarekin hasi aurretik, Nerea Martinez bigarren presidenteordeak eta Marta Alaña Mahaiko bigarren idazkariak irakurri dute Arabako legebiltzarrak bat egin duela EUDELek, Euskadiko Udalen Elkarteak, martxoaren 8arekin (Emakumearen Nazioarteko Eguna) lotuta onartutako adierazpen instituzionalarekin.

Ondoren, Ramiro Gonzalez diputatu nagusiak interpelazio bati eta hiru galderari erantzun die. Lehenik eta behin, Elkarrekin Araba taldeko (Podemos-Ezker Anitza-Equo) batzarkide taldearen David Rodríguez prokuradoreak egingo diren zerga-politikak azaltzeko eskatu dio, emantzipatzeko adinean dauden Arabako biztanleek etxebizitza eskuratzeko duten zailtasun handiaren aurrean. Ondoren, Kike Fz de Pinedo EH Bildu batzarkide taldeko bozeramaileak hartu du hitza, eta Tubacex enpresaren kaleratzeen mehatxuei eta Aiarako Kuadrillaren egoerari buruz galdetu dio. Foru gobernuko arduradun nagusiak osoko bilkuran parte hartzea bukatu du Iñaki Oyarzabal Arabako Popularrak batzarkide taldeko bozeramaileak egindako bi galderari erantzunez, Aldundiak zergatik erabaki duen lurralde historikoaren izen ofiziala bi hizkuntzetan ez sartzea bere prentsa-aretoaren atrilean eta lurralde historikoan langabezia areagotzeari, enpresak ixteari eta autonomoen jarduera eteteari buruz.

Egongelako aireztapena errazteko behar diren lehenengo atsedenaldiaren ondoren, azken batzarkide talde horrek Cristina González bigharren diputatuorde eta Enplegu, Merkataritza eta Turismoaren Sustapeneko eta Foru Administrazioko foru diputatuari galdetu dio, Eloy Lz de Foronda prokuradorearen hitzetan, ostalarien eta turismoaren sektore osoaren arteko ondoezari buruz, bai eta Aldundiak turismoaren sektorea egoera estrategikoan jartzeko egindako ahaleginei buruz ere, COVID-19 krisi ondoren berreskuratzeko. Ondoren, Kike Fz de Pinedo EH Bildu batzarkide taldeko bozeramaileak Jose Antonio Galera Ingurumen eta Hirigintzako foru diputatuari galdetu dio, herrietan eguzki-plaken baratzeak instalatzeko proposamenaren inguruan. Javier Argote taldeko kideak, berriz, galdera egin dio Irma Basterra Lurralde Orekako foru diputatuari, zenbait gai azal zitzan Kontzejuen Foru Araua eta Kontzejuetako Erregidoreak eta Bokalak Hautatzeko Foru Araua aldatzeko asmoaren inguruan. Une horretan, saioa gelditu egin da berriro, instalazioetako karbono dioxido maila murrizteko.

Berrabiarazi ondoren, Eloy López de Foronda Arabako Popularrak batzarkide taldeko prokuradoreak Eduardo Aguinaco Nekazaritzako foru diputatuari galdetu egin dio, jakiteko ea Aldundiaren asmoa den Arabako Errioxako uzta-biltzaileei, hazle txikiei eta upategi hazleei babes handiagoa ematea, Covid-19k eragindako galerak konpentsatzeko. Foru gobernuko kide berak erantzun dio, halaber, Iñaki Ullibarri EH BIldu batzarkide taldeko prokuradoreak Arabako Foru Aldundiaren 1433 espedienteko lehen galderan GFP-3 funtzionarioaren datu pertsonalei emandako tratamenduari buruz egindako galderari.

Osoko bilkuraren azken atalean, Claudia Venceslao EH Bildu batzarkide taldeko prokuradoreak lau ekimeneko multzo bati ekin dio, Emilio Sola Gizarte politiketako foru diputatuari zuzenduta. Kasu honetan, prokuradoreak interpelazioa egin dio foru-eskumeneko gizarte-baliabideen txertaketa-prozesuari buruz, ondoren Marta Alañak, Arabako Popularrak batzarkide taldeko prokuradoreak, gauza bera egin zezan taxi zerbitzuaren bidez desgaitasunen bat duten pertsonentzako garraio egokituari buruz. Amaitzeko, Elkarrekin Araba (Podemos-Ezker Anitza-Equo) batzarkide taldeko prokuradore Damián García-Morenok CIAM San Prudenciorekin lotutako hainbat gairi buruz galdetu dio, eta, amaitzeko, Marta Alañak, Arabako Popularrak batzarkide taldearen ordezkari gisa, azken galdera bat egin dio hirugarren sektoreak kudeatzen dituen eta desgaitasunen bat duten etxebizitzen erabiltzaileei eta haien mendeko handiei txertoa jartzeko prozesuari buruz.