Batzar Nagusien Mahaiaren bilera - www.jjggalava.eus

Batzar Nagusien Mahaiak asteroko bilera egin du eta 40 gai baino gehiago izapidetu dira.
Hala, Arabako legebiltzarreko gobernu-organoak kalifikatu ditu, talde politikoen jarduerako ekimenen artean, Foru Gobernuaren jakinarazpenak, interpelazioak, datozen egunotan eztabaidatuko diren mozioei egindako zuzenketak, agerraldi-eskaerak, mozio-proposamenak, galderak eta informazio-eskaerak.

Gainera, instituzioaren beraren kudeaketa administratiboko eta kontabilitateko hainbat espediente izapidetu ditu.
Halaber, Bozeramaileen Batzarrak ere bilera egin du, besteak beste, datorren azaroaren 15eko osoko bilkuraren data ezartzeko.