Osoko bilkuran jorratutako gaien laburpena - www.jjggalava.eus

Asteazken honetan, otsailaren 8an, Arabako Batzar Nagusiek beste osoko bilkura bat egin dute Probintziako Jauregian, eta prokuradoreek batzarkide taldeek aurkeztutako lau moziori buruz eztabaidatu dute.

Hasteko, EH Bildu taldeko bozeramaile Kike Fz de Pinedok mozio bat eraman du osoko bilkurara, Foru Aldundiari eskatzeko Legardagutxiko errota eta bere ingurua aztertu eta txukuntzeko eta parke txiki bat sortzeko. Aurkeztutako erdibideko zuzenketa aho batez onartu da.

Eztabaidatu beharreko bigarren mozioa, Iñaki Oyarzabal Arabako batzarkide taldeko bozeramaileak aurkeztua, Gasteizko etxebizitzen legez kanpoko okupazioari buruzkoa zen. Mozioa atzera bota da eta, horren ordez, EAJ-PNV eta Euskal Sozialistak batzarkideek aurkeztutako zuzenketa onartu da, EH Bildu eta Elkarrekin Araba (Podemos-Ezker Anitza-Equo) batzarkideen kontrako botoekin eta Arabako Popularren abstentzioarekin.

Ondoren, Elkarrekin Araba (Podemos-Ezker Anitza-Equo) batzarkide-taldeak aurkeztutako ekimena eztabaidatu da, David Rodríguez bozeramailearen hitzetan, Zadorra ibaiko, Gasteizko mendietako, Izkiko eta Entziako KBEetan korridore ekologiko jarraitua sortzeari dagokionez. Aurkeztutako erdibideko zuzenketa atzera bota da eta, horren ordez, EAJ-PNV eta Euskal Sozialistak batzarkide taldeek aurkeztutako zuzenketa onartu da, EH Bildu, Arabako Popularrak eta Elkarrekin Araba (Podemos-Ezker Anitza-Equo) batzarkide taldeen kontrako botoekin.

Azkenik, Eva Lz de Arroyabe EH Bilduko prokuradoreak Gasteizen eta Araba osoan energiaren prezioen gorakadari aurre egiteko premiazko neurriak martxan jartzea proposatu du. Aurkeztutako erdibideko zuzenketa aho batez onartu da.