Arabarako Aurrekontu Proiektuaren bideratzea hasi da - www.jjggalava.eus

Bigarren ahaldun nagusiorde eta Ogasun, Finantza eta Aurrekontu diputatuak, Itziar Gonzalok, Arabako Batzar Nagusietako presidente Irma Basterrari eman dio Arabako Lurralde Historikoko 2024ko Aurrekontuak Betearazteko Foru Arauaren proiektua.

Ekintza sinboliko horrekin hasi da Aldundiaren Arabarako aurrekontu-proiektua bideratzen Arabako Ganberan. Mahaiak, Bozeramaileen Batzordeari entzun ondoren, proiektua kalifikatu du eta batzarkide-taldeei proiektuaren ale eta liburukiak eman dizkie.

Datorren astetik aurrera, foru diputatuak batzordean agertuko dira Foru Gobernuaren aurrekontuetan jasotako proiektuak eta partidak azaltzeko. Hala, Ramiro Gonzalez ahaldun nagusiak azaroaren 20an, astelehena, irekiko du agerraldien txanda. Egun horretan bertan azalduko dituzte beren proposamenak Enplegu, Merkataritza, Turismo eta Foru Administrazioko lehen diputatuorde nagusiak, Garapen Ekonomiko eta Berrikuntzakoak eta Lurralde Oreka eta Lurralde Antolamenduko diputatuak.

Azaroaren 21ean, asteartea, Mugikortasun Iraunkor eta Bide Azpiegituretakoak,  Iraunkortasun, Nekazaritza eta Ingurune Naturaleko diputatuak eta Kultura eta Kirol diputatuak egingo dute. Asteazkenean, hilak 22, Berdintasun, Euskara eta Gobernantzako foru diputatuak, Gizarte Politiketako diputatuak eta Ogasun, Finantza eta Aurrekontuetako diputatuak itxiko dute agerraldien egutegia.

Azaroaren 23an, asteazkena, hasiko da zuzenketak aurkezteko epea, eta abenduaren 5ean amaituko da. Abenduaren 15ean, ostiralean, osoko zuzenketak eztabaidatuko dira osoko bilkuran (egonez gero). Abenduaren 18an eta 19an zuzenketa partzialen bozketa egingo da batzordean, eta abenduaren 22an, ostirala, Arabako aurrekontua osoko bilkuran berresteko aurkeztuko da.

Gainera, bideratzen ari da Arabako Batzar Nagusien aurrekontua. Azaroaren 21ean, Mahaiak aurrekontu-proiektua izapidetuko du; onartzen bada, foru-arauaren proposamen gisa aurkeztuko da, eta zuzenketak egiteko epea irekiko da, abenduaren 4ra arte. Abenduaren 12an, ganberaren aurrekontua aztertu eta izapidetuko da Barne Araudi eta Gobernu Batzordean.