Osoko bilkuran jorratutako gaien laburpena - www.jjggalava.eus

Arabako Batzar Nagusiek gaur goizean egindako osoko bilkuran, batzarkide taldeek aurkeztutako bi mozio eztabaidatu dira, Arabako Popularrak batzarkide taldeak bigarren lekuan aurreikusitako ekimena gai-zerrendatik kendu eta batzordean eztabaidatzeko eskatu ondoren.

Hori horrela, EH Bilduko Kike Fz de Pinedo bozeramaileak mozio bat aurkeztu du Eusko Jaurlaritzak Jundiz-Bilodasen eraikitzea proposatu duen geltoki intermodala Arasurren eraikitzeari buruz. Proposamena atzera bota da eta horren ordez EAJ-PNV eta Euskal Sozialistak taldeek aurkeztutako zuzenketa onartu da, Arabako Popularren aldeko botoekin, EH Bilduren kontrako botoekin eta Elkarrekin Araba (Podemos-Ezker Anitza-Equo) taldearen abstentzioarekin.

Ondoren, Elkarrekin Arabako (Podemos-Ezker Anitza-Equo) bozeramaile David Rodriguezek eta EH Bilduko prokuradore Iñaki Ullibarrik mozio bateratu bat aurkeztu dute 65 urtetik gorako pertsona guztiei beharrezko banku-zerbitzu publikoak eskuratzea errazteko eta bermatzeko. Osoko bilkurak atzera bota du, eta EAJ-PNV eta Euskal Sozialistak taldeek aurkeztutako zuzenketa onartu du, EH Bilduren, Arabako Popularren eta Elkarrekin Arabaren (Podemos-Ezker Anitza-Equo) kontrako botoekin.