Osoko bilkurak lurralde historikoko aurrekontuei buruzko foru-araua onartu du - www.jjggalava.eus

Arabako Batzar Nagusien osoko bilkurak berretsi egin du gaur goizean Arabako Lurralde Historikorako 2021. urterako Aurrekontuen Foru Araua, EAJ-PNV eta Euskal Sozialistak batzarkide taldeen aldeko 27 botorekin. Urrats horrek, Ganberaren araudiak eskatuta, foru araua behin betiko berrestea dakar, Ogasun, Finantza eta Aurrekontu batzordeak asteartean onartu ondoren.

Osoko bilkura goizeko 9:30etan hasi da, eta batzarkide talde guztiek hartu dute parte, handienetik txikienera, eta, ondoren, txanda bat izan dute erantzuteko, hurrenkera berean. Eztabaida amaituta, Pedro Elosegi Ganberako presidenteak foru araua bozkatzeko deia egin die prokuradoreei. Zenbaketaren emaitza honakoa izan da: aldeko 27 boto (EAJ-PNV eta Euskal Sozialistak batzarkide taldeak) eta kontrako 23 boto (EH Bildu, Arabako Popularrak eta Elkarrekin Araba (Podemos-Ezker Anitza-Equo) batzarkide taldeak).

Aurrekontuak lurralde-legerian onartzean, foru-arauak libre du indarrean jartzeko bidea, Arabako Batzar Nagusien Aldizkari Ofizialean, eta, ondoren, Arabako Lurralde Historikoaren Aldizkari Ofizialean argitaratu ondoren. Arabako Parlamentuak 2021ean onartu duen lehen foru araua da, eta hamabigarrena bilkura-aldi honetan.

Izapidetze-prozesua

Ogasun, Finantza eta Aurrekontuetako foru-diputatuak, Itziar Gonzalok, abenduaren 17an eman zion formalki Arabako Lurralde Historikorako Aurrekontuen foru-arauaren proiektua Pedro Elosegi Batzar Nagusietako presidenteari. Une horretan, ekimena Legebiltzarrean izapidetzen hasi zen, Mahaiak beharrezko lehen urrats gisa kalifikatuta.

Ekitaldia formalizatu ondoren, non Itziar Gonzalo Ogasun, Finantza eta Aurrekontuetako foru diputatuak proiektu onartu berriaren USB memoria bat eman zion Pedro Elosegi Arabako legegileko presidenteari, modu sinbolikoan, Arabako Legebiltzarreko Mahaiak aurrekontuen proiektua kalifikatzeko bilera egin zuen. Era berean, foru parlamentuko zuzendaritza organoak eta Bozeramaileen Batzordeak argi berdea eman zioten lege izapidetze egutegiari. Egutegi horretan, foru gobernuko kideen agerraldiak izan ziren lehen hitzordu, dagozkien partidak azaltzeko. Aurkezpen horien ondoren, epe bat ireki zen proiektua osorik zuzendu ahal izateko, testu artikulatuan, atal oso batean edo bere programa, kapitulu, artikulu, kontzeptu eta partida eta memorian, batzarkide taldeen bitartez. Joan den ostiralean, urtarrilaren 22an, osoko bilkurak EH Bildu eta Elkarrekin Araba (Podemos-Ezker Anitza-Equo) batzarkide taldeek aurkeztutako osoko zuzenketak eztabaidatu eta baztertu zituen, eta, aste honetan bertan, Ogasun, Finantza eta Aurrekontu Batzordeak batzarkide taldeek aurkeztutako 268 zuzenketa partzialak eztabaidatu zituen.

Zerga-neurriak

Gai-zerrendarekin jarraituz, Ogasun, Finantza eta Aurrekontu Batzordeak 2021erako tributu-neurriei buruzko foru-arauaren proiektuari buruz emandako irizpena onartzeari ekin dio jarraian osoko bilkurak. EH bilduko ordezkariak hasi du eztabaida, talde horrek bakarrik proiektua izapidetzen ari den bitartean zuzenketa bat osoko bilkuran eztabaidatzeko gorde du eta, eta ondoren, talde ezberdinetako bozeramaileei eman die hitza.

Foru Ganberan ordezkaritza duten alderdi guztiek parte hartu ondoren, lehendabizi eztabaidatutako zuzenketa bozkatu da, aldeko 15 botorekin (EH Bildu eta Elkarrekin Araba (Podemos-Ezker Anitza-Equo) batzarkide taldeak), aurkako 27 botorekin (EAJ-PNV eta Euskal Sozialistak batzarkide taldeak) eta Arabako Popularrak batzarkide taldearen abstentzioarekin. Zuzenketa atzera bota ondoren, osoko bilkurak aldeko 27 botorekin (EAJ-PNV eta Euskal Sozialistak batzarkide taldeak), aurkako 11 botorekin (EH Bildu batzarkide taldea) eta Arabako Popularrak eta Elkarrekin Araba (Podemos-Ezker Anitza-Equo) batzarkide taldeen 12 abstentziorekin bozkatu du.