Onartu da Foru Kontratazioen Zentralaren osaerari eta funtzionamenduari buruzko foru-arauaren aldaketa - www.jjggalava.eus
Albisteak
Onartu da Foru Kontratazioen Zentralaren osaerari eta funtzionamenduari buruzko foru-arauaren aldaketa
Onartu da Foru Kontratazioen Zentralaren osaerari eta funtzionamenduari buruzko foru-arauaren aldaketa
Arabako Batzar Nagusiek gaur goizean egindako osoko bilkura Arabako Foru Kontratazioen Zentralaren osaera eta funtzionamendua arautzen duen urtarrilaren 14ko 1/2015 Foru Araua aldatzen duen foru arauaren proiektua irakurketa bakarreko prozeduraren bidez onartzearekin hasi da. Bigarren diputatu nagusiorde eta Enplegu, Merkataritza eta Turismo Sustapeneko eta Foru Administrazioko foru diputatu Cristina Gonzalezek aurkezpena egin ostean, Arabako Parlamentuak aho batez onartu du 17/2021 Foru Araua.
Jarraian, batzarkideek aurkeztutako lau mozio eztabaidatu dituzte. Lehenik eta behin, David Rodríguez Elkarrekin Araba (Podemos-Ezker Anitza-Equo) batzarkide taldeko prokuradoreak ekimen bat aurkeztu du, angraizko espetxeko egoitza-eraikinetako etxebizitzak eta kanpoaldea osorik birgaitzeko eta zaharberritzeko proiektu baten bideragarritasuna mahai gainean jartzeko eta aztertzeko, landa-inguruneko etxebizitzen parke publiko bihurtze aldera. Mozioa atzera bota da talde proposatzailearen aldeko botoekin, EAJ-PNV eta Euskal Sozialistak batzarkide taldeen aurkako botoekin eta EH Bildu eta Arabako Popularren abstentzioarekin.
Osoko bilkuren aretoa aireztatzea errazteko behar den atsedenaldia baino lehen, EH Bildu batzarkide taldeak, June Mugica prokuradorearen hitzetan, mozio bat proposatu du Gorbeialdeko biztanleei eta, bereziki, gazteei, etxebizitza eskuratzeko aukera bermatzeko beharrari buruz. Mozioa atzera bota da eta, horren ordez, EAJ-PNV eta Euskal Sozialistak batzarkide taldeek aurkeztutako zuzenketa onartu da, Arabako Popularrak batzarkide taldearen aurkako botoarekin, eta EH Bildu eta Elkarrekin Araba (Podemos-Ezker Anitza-Equo) abstentzioarekin.
Saioaren bigarren zatia EH Bilduk aurkeztutako mozioetako bigarrenaren eztabaidarekin hasi da. Kike Fz de Pinedo taldeko bozeramaileak osoko bilkurara eraman du tokiko elikagaiak bultzatzeko eta haien ekoizpena eta kontsumoa bultzatzeko Arabako nekazaritzako elikagaien estrategia iraunkorraren alde. Hori atzera bota da EAJ-PNV eta Euskal Sozialistak batzarkide taldeek aurkeztutako ordezkapen-zuzenketa onartu da, EH Bildu, Arabako Popularrak eta Elkarrekin Araba (Podemos-Ezker Anitza-Equo) taldeen abstentzioarekin.
Saioa amaitzeko, Eloy Lz de Foronda Arabako Popularrak batzarkide taldeko prokuradoreak gauza bera egin du mozio batekin. Mozio horren helburua zen Foru Aldundiari eskatzea Salto del Nervión izeneko helmuga turistikoa bisitatu nahi duten ibilgailuentzako aparkaleku bat eraiki dezala. Mozioa atzera bota da eta, horren ordez, EAJ-PNV eta Euskal Sozialistak batzarkide taldeek aurkeztutako zuzenketa onartu da, EH Bildu eta Arabako Popularrak batzarkide taldeen aurkako botoarekin eta Elkarrekin Araba (Podemos-Ezker Anitza-Equo) abstenituta.