2023rako aurrekontuen proiekturako 406 zuzenketa partzialen eztabaida - www.jjggalava.eus

Ogasun, Finantza eta Aurrekontu Batzordeko kideek gaur eta bihar eztabaidatzen dituzte batzarkide taldeek 2023rako Arabako Lurralde Historikorako Aurrekontuei buruzko foru-arauaren proiektuari aurkeztutako 406 zuzenketak. Joan den ostiralean osoko bilkuran Ganberan erregistratutako osoko zuzenketen eztabaida gainditu ostean, proiektua batzordean izapidetzen ari da, osoko bilkurak irizpena onartu aurretik, hala badagokio, datorren ostiralean.

Batzarkide taldeek aurkeztutako zuzenketen zerrenda honako hau da:

Elkarrekin Araba (Podemos-Ezker Anitza-Equo) batzarkide taldea:

• 196 zuzenketa partzial, ondorengo ataletan banaturik:
  • Arabako Foru Aldundiaren aurrekontuari 185 zuzenketa
  • Gizarte Ongizaterako Foru Erakundearen aurrekontuari 11 zuzenketa

Arabako Popularrak batzarkide taldea

• 129 zuzenketa partzial, ondorengo ataletan banaturik:
  • Arabako Foru Aldundiaren aurrekontuari 99 zuzenketa
  • Gizarte Ongizaterako Foru Erakundearen aurrekontuari 27 zuzenketa
  • Gazteriaren Foru Erakundearen aurrekontuari 3 zuzenketa

EH Bildu batzarkide taldea

• 76 zuzenketa partzial, ondorengo ataletan banaturik:
  • Arabako Foru Aldundiaren aurrekontuari 57 zuzenketa
  • Gizarte Ongizaterako Foru Erakundearen aurrekontuari 16 zuzenketa
  • Gazteriaren Foru Erakundearen aurrekontuari 2 zuzenketa
  • Testu artikulatuari 1 zuzenketa

EAJ-PNV batzarkide taldea

• 5 zuzenketa partzial, ondorengo ataletan banaturik:
  • Arabako Foru Aldundiaren aurrekontuari 1 zuzenketa
  • Testu artikulatuari 4 zuzenketa

Eztabaidatzeko eta bozkatzeko, ordutegi hau ezarri da:

Gaur astelehenean, abenduaren 19an, jardunaldia 9:00etan hasi da, diputatu nagusiaren aurrekontuari dagozkion zuzenketen eztabaidarekin. Jarraian, Enplegu, Merkataritza, Turismo Sustapeneko eta Foru Administrazioa (10:45), Lurralde Oreka (11:45), Ekonomiaren Garapena, Berrikuntza eta Erronka demografikoa (12:45) eta Nekazaritza (13:30) sailen kontuak izango dira. Arratsaldean, 16:30etik aurrera, batzordeak Bide Azpiegituretako eta Mugikortasuneko eta Ingurumen eta Hirigintzako (17:30) departamentuen aurrekontuei aurkeztutako zuzenketak aztertuko ditu.

Bihar asteartean, bilera 9:00etan hasiko da berriro, eta Kultura eta Kirol, Gizarte Politika (10:00) eta Ogasun, Finantza eta Aurrekontu (12:00) sailetako kontuak aztertuko dira.

Izapidetze-prozesua

Arabako Lurralde Historikorako Aurrekontuei buruzko foru-arauaren proiektua, azaroaren 14an Ogasun, Finantza eta Aurrekontuetako foru-diputatu Itziar Gonzalok Batzar Nagusietako presidente Pedro Elosegiri formalki emana, egun horretan bertan hasi zen izapidetzen Legebiltzarrean, Mahaiak kalifikazioa emanda.

Halaber, Mahaiak eta Bozeramaileen Batzordeak argi berdea eman zioten foru gobernuko kideen agerraldien lehen hitzorduari, dagozkien partidak azaltzeko. Aurkezpen horien ondoren, epe bat ireki zen proiektua osorik, testu artikulatuan, atal oso batean edo bere programa, kapitulu, artikulu, kontzeptu eta partida eta memorian zuzendu ahal izateko, batzarkide taldeen bitartez. Joan den ostiralean, abenduaren 16an, osoko bilkurak EH Bilduk eta Elkarrekin Arabak (Podemos-Ezker Anitza-Equo) aurkeztutako osoko zuzenketak eztabaidatu eta atzera bota zituen.