Mahaikideen bilera - www.jjggalava.eus

Arabako Batzar Nagusietako Mahaia gaur goizean bildu da Pedro Elosegi jauna buru dela, eta honako gai hauek jorratu ditu, besteak beste:

MOZIOA

Garraio publikoko edukiera mugatzea eta maiztasunak handitzea.- Elkarrekin Araba (Podemos-Ezker Anitza-Equo) Batzarkide Taldeak osoko bilkuran eztabaidatzeko mozioa aurkeztu du, Arabako garraio publikoan edukiera mugatu eta maiztasunak handitze aldera COVID-19ren pandemiaren ondoriozko alarma-egoerak iraun bitartean. Presako prozeduraz izapidetuko da.

AGERRALDIA

Ardogintzaren hitzarmena negoziatzeko mahaia.- EH Bildu eta eta Elkarrekin Araba (Podemos-Ezker Anitza-Equo) batzarkide-taldeek Arabako ardogintzaren hitzarmena negoziatzeko mahaiko ordezkarien agerraldia eskatu dute Nekazaritza Batzordean, jakinarazi dezaten hitzarmen horren negoziazioak zer moduz doazen.

 INFORMAZIO-ESKAERAK

Ikuskapenak Agure etxebizitza komunitarioan.- EH Bildu Batzarkide Taldeak informazio-eskaera bat egin du, Gizarte Politiken Saileko foru diputatuari zuzendua, eskatzeko Agure Arkaiate etxebizitza komunitarioan 2020ko maiatzetik urrira egindako ikuskapenen akten kopia.