Batzar Nagusiek Euskaraldia mugimenduarekin bat egin dute euskararen erabilera aktibatzeko - www.jjggalava.eus

Arabako Batzar Nagusiek bat egingo dute maiatzaren 15etik 25era Euskaraldia euskararen erabilera aktibatzeko gizarte mugimenduarekin.

Arabako Batzar Nagusiek aurreko edizioan ere parte hartu zuten, eta aurten ere bat egin dute euskararen presentzia eta erabilera sustatzeko aukera horrekin, Arabako legebiltzarreko Euskararen Erabilera Normalizatzeko Planak berak jasotzen duen bezala.

Erakunde gisa  eta Arabako ganberan lan egiten duten pertsonen konpromiso indibidualaz gain, Batzar Nagusiek Euskaraldian parte hartuko dutela erakutsiko dute, espazioak apainduz, txapak erraztuz eta belarriprest eta ahobizi rolak hartzera gonbidatuz.