Batzar Nagusiak, aurtengo nobedadea Magialdian - www.jjggalava.eus

Arabako legebiltzarrak, salbuespen gisa, Prado kaleko ate arrosak irekiko ditu Magia Ibilbideen hiru arratsaldeetan

Arabako Batzar Nagusiek Magialdiarekin bat egingo dute aurten. Nazioarteko ekitaldia da, eta 37 ediziotan 200.000 pertsona baino gehiagorengana iritsi da. Magialdia 2025 programaren parte izango da, bertan jarraitzeko asmoarekin, Magia Ibilbideen kokapen berri gisa.

Ibilbide horiek hurbiletik egindako magia-emanaldiak dira, bereziki edukiera murritzerako diseinatuak, ez 30 pertsona baino gehiagorentzako, eta zuzeneko harremana dute artistekin, zentimetro gutxira, esperientzia paregabea sortuz. Ibilbide horietako artistak lehen mailakoak dira, profesionalak.

"Magialdia egutegian finkatuta dagoen ekitaldia da. Programa maitatua da, eta milaka herritarrengana iristen da. Batzar Nagusiek bat egiten dugu proposamen horrekin, gure ateak zabaltzeko magiari eta ezagutzari, gure ondarea zabaltzeari. Arabar eta arabarrei ahotsa ematen dien erakundea gara, herritarrei zuzenean eragiten dieten erabakiak hartzen dituen Legebiltzarra, eta horrelako ekimenekin gehiago eta hobeto ezagut gaitzakegu ", nabarmendu du Irma Basterra Batzar Nagusietako presidenteak.

Egunean 3 emanaldi
Irailaren 15ean, 16an eta 17an 3 emanaldi eskainiko dira egunero, 30 minutukoak. 19:00etan, 19:45ean eta 20:30ean. Bitxikeria gisa, Prado kaleko 34. zenbakiko ataritik sartzea erabiliko da. Aparteko kasuetan baino ez da erabiltzen, hala nola Ate Irekien egunean.
Datak hurbildu ahala, Batzar Nagusiek eta Magialdiak berak emango dute sarrerak lortzeko moduari buruzko informazio guztia (doakoa).