Ate irekien jardunaldia - www.jjggalava.eus

Arabako Batzar Nagusiek urtero, duela bi hamarkada baino gehiagotik, ate irekien jardunaldi bat egiten dute. Jardunaldi hori azaroko azken asteburuan egin ohi da, Azaroko ohiko osoko bilkura hil honen azken igandean egiten delako, hau da, duela bost mende baino gehiago Arabako Parlamentuak hasieratik urtero deitzen dituen bi bilkura historikoetako batean.

2023KO EKAINAREN 3AN

2022an jardunaldi hori maiatzera aldatu zen, Lur Jareetako ohiko osoko bilkurarekin batera, eta 2023an ere udaberrian irekiko ditugu ateak, nahi duten herritar guztiei harrera egiteko. Hala ere, maiatzean Batzar Nagusietarako eta udal guztietarako hauteskundeak egingo direnez, aurten, ekainaren 3an, larunbatean, ospatuko da hitzordua. 

Egun horretan, egoitzara egindako bisitez gain, Maria Garbia Katedralaren aurrean dagoen plazan Arabako zazpi kuadrillen (Gasteiz, Arabako Lautada, Aiara, Guardia-Arabako Errioxa, Añana, Gorbeialdea eta Arabako Mendialdea) eta Trebiñuko Konderriaren standak izango ditugu. 

Bisita horiek egiteko, ezinbestekoa izango da aldez aurretik izena ematea, aurrerago jakinaraziko ditugun bideen bidez, eta, leku libreak izanez gero, bisita-egunean bertan egin ahal izango da izen-ematea.

Egun horretan, Arabako Legebiltzarraren egoitza irekiko da, Lurralde Historikoko herritarreklau urtean behin hautestontzietan aukeratutako 51 prokuradoreek hemen egiten duten lana bertatik bertara ezagut dezaten. Era berean, Gasteizko erdiguneko eraikin berezi hori ezagutzera hurbiltzen diren pertsonek eraikin horretako gelak ezagutzeko aukera izango dute, hala nola harrera-gela, Mahaiaren, bozeramaileen batzordearen edo batzordeen bilera-gelak, Legebiltzarreko lehendakaritzaren bulegoa edo beste lan-gune batzuk.

Gaur egun Arabako Batzar Nagusien egoitza administratiboa dagoen eraikinak Martin de Saracibarrek eraiki zituen 1868an eta 1881ean. Martin de Saracibar hainbat obren arkitektoa ere izan zen, hala nola Probintziako Etxe-Jauregia.