Batzar Nagusiek Fernando Buesa eta Jorge Diez gogoratu dituzte hilketaren 25. urteurrenean - www.jjggalava.eus

Arabako Batzar Nagusiek gogora ekarri dituzte gaur Fernando Buesa Blanco, hil zuten arte Arabako legebiltzarreko prokuradore izan zena 5 legegintzalditan, eta haren bizkartzain Jorge Díez Elorza, duela 25 urteko otsailaren 22an ETAk erailak.

Irma Basterra Batzar Nagusietako presidenteak, Eva Jiménez eta Nerea Martínez lehendakariordeek eta Damián García eta Miguel Garnica bi idazkariek ohiko lore-eskaintza eskaini diote Arabako parlamentuko lorategien buru den "La flor arrancada" eskulturari.

Gaurko oroimenezko ekitaldiaz gain, Batzar Nagusiek Fernando Buesa Fundazioak aurreikusitako ekitaldietan parte hartuko dute larunbatean, hilaren 22an, urteurrenaren egunean: lore-eskaintzan, duela 25 urte non hil zituzten aipatzen duen monolitoan, eta arratsalde horretan Europa Jauregian egingo den In memoriam ekitaldian.