Batzar Nagusiek adimen-desgaitasuna duten pertsonen duintasuna, autonomia eta ekarpena aldarrikatzen dituzte Down Sindromearen Munduko Egunean - www.jjggalava.eus

Batzar Nagusiek adimen-desgaitasuna duten pertsonen duintasuna, autonomia eta ekarpena aldarrikatzen dituzte Down Sindromearen Munduko Egunean.
Arabako Batzar Nagusietako fatxada nagusia urdin eta hori kolorez jantziko da gaur gauean, Down Sindromearen Eguneko munduko kanpainarekin bat egiteko.

Aurten, gainera, Down Araba-Isabel Orbe elkarteak 30 urte bete ditu "Down sindromea duten pertsonen eskubideak defendatuz, haien inklusioa erraztuz eta gizarteak, gainerako pertsonek bezala, emozio, eskubide eta betebehar berberekin onar ditzan borrokatuz", defendatu du Irma Basterra Batzar Nagusietako presidenteak.

2011ko abenduan, NBEk martxoaren 21a Down Sindromearen Munduko Eguna izendatu zuen, kontzientzia publiko handiagoa sortzeko eta adimen-desgaitasuna duten pertsonen duintasuna, balioa eta ekarpen baliotsuak gogoratzeko, haien komunitateen ongizatearen eta aniztasunaren sustatzaile gisa. Arabako legebiltzarrak haien autonomia eta independentzia indibidualaren garrantzia azpimarratzen du, bereziki bere erabakiak hartzeko askatasuna.