Batzar Nagusiak, hiesa desagerraraztearen alde - www.jjggalava.eus

Batzar Nagusien fatxada nagusia gorriz argiztatuko da asteburu honetan, GIBarekin bizi diren pertsonei laguntzeko eta hiesarekin lotutako gaixotasunen ondorioz hil direnak gogoratzeko. Izan ere, abenduaren 1ean munduak Hiesaren Munduko Eguna ospatzen du.

2023ko Hiesaren Munduko Eguneko txostenean ("Komunitateen buru izan daitezela" izenekoa), ONUSIDAk dio munduak hiesa osasun publikorako mehatxu gisa amai dezakeela 2030erako, baina soilik komunitateak erabat barne hartzen badira eta finantzaketa nahikoa ematen bazaie jarraitu beharreko bidearen buru izan daitezen. Finantzaketa faltak eta dauden zailtasunek bizitzak salbatzeko lana geldiarazten dutela eta hiesa desagerraraztea oztopatzen dutela nabarmendu du.