Batzar Nagusiek haurren eskubideak aldarrikatuko dituzte - www.jjggalava.eus

Azaroaren 20an Haurren Munduko Eguna ospatzen da, NBEren Batzar Nagusiak 1959an Haurren Eskubideen Adierazpena onartu zuen eguna ospatzeko. Mundu osoko gobernuek, buruzagi erlijiosoek, GKEek eta beste erakunde batzuek Haurren Eskubideei buruzko Konbentzioaren azken testua adostu zuten 1989ko azaroaren 20an, eta testu hori nahitaez bete behar dute sinatu duten herrialde guztiek. Egun hori ikusarazteko, Arabako ganberaren fatxada urdinez argiztatuko da astelehen arratsaldean.

Batzar Nagusiek gogoraraziko dute haurrak direla kolektiborik ahulena eta, beraz, munduko krisiak eta arazoak gehien pairatzen dituena. Haur guztiek dutela osasunerako, hezkuntzarako eta babeserako eskubidea, jaio diren munduko lekua edozein dela ere.