Legegintzaldiko politika orokorreko azken eztabaida irailaren 19an eta 20an izango da - www.jjggalava.eus
Albisteak
Legegintzaldiko politika orokorreko azken eztabaida irailaren 19an eta 20an izango da
Diputatu nagusiaren hitzaldiak astelehenean, hilak 19, hasiko du Saioa. Hurrengo egunean batzarkide taldeen txanda izango da
Datorren astelehenean, irailaren 19an, hasiko da Arabako Batzar Nagusietan 2022. urteari dagokion Lurralde Historikoko politika orokorrari buruzko eztabaida, XI. legealdi honetako azkena. Diputatu nagusiaren hitzaldiaren ostean, nork hitza hartuko duen eguerdiko 11:00etatik aurrera, asteartean, hilak 20, itzuliko da berriro, batzarkideen txandarekin. Ganberaren araudiak adierazten duen bezala, bilkura hori urtero egiten da iraileko bigarren hamabostaldian, legegintzaldi bakoitzeko lehen urtean izan ezik (gobernu berria eratu ondorengo data hori berehalakoa delako).
Arabako Batzar Nagusien araudian xedatutakoaren arabera, Ramiro González diputatu nagusiak Foru Aldundiak Lurralde Historikoaren egoerari buruz dituen funtsezko ildoak eta urtean zehar hartu nahi dituen neurriak eta arau-aurreikuspenak azalduko ditu lehen jardunaldi honetan. Gonzalezek 90 minutu izango ditu horretarako. Ondoren, bilkura eten egingo da hurrengo eguneko goizera arte, batzarkideek beren erantzunak prestatu ahal izan ditzaten.
Astearteko 9:00etatik aurrera, Pedro Elosegi Arabako Ganberako presidenteak txanda bat irekiko du batzarkide talde bakoitzak , txikienetik handienera, gehienez hogeita hamar minutuz parte hartzeko aukera izan dezan. Foru Gobernuak, ondoren, planteatutako gaien inguruan batzarkideen ordezkariei erantzuteko aukera izango du. Amaitzeko, batzarkide talde bakoitzak gehienez ere hamar minutuko txanda batean erantzungo dio, aurreko txandaren hurrenkera berean, politika orokorrari buruzko eztabaida horri amaiera emateko.
Arabako Batzar Nagusien saio guztiak bezala, osoko bilkura hau ere streaming bidez jarraitu ahal izango da zuzenean Arabako legebiltzarraren mediatekaren bidez (http://mediateca.jjggalava.eus/live).
Batzarkide-taldeen bozeramaileak: Izaskun Moyua (EAJ-PNV), Kike Fz de Pinedo (EH Bildu), Jon Nogales (Euskal Sozialistak), Iñaki Oyarzábal (Arabako Popularrak) eta David Rodríguez (Elkarrekin Araba (Podemos-Ezker-Anitza-Equo))
