Arabako Mendialdeko Kuadrillaren izena aldatzea onartu da - www.jjggalava.eus

Gaur goizean, Probintziako Etxe-Jauregiko osoko bilkuren aretoan beste osoko bilkura bat egin da. Right2Cure herri ekimenari babesa emateko adierazpen instituzionala irakurtzen hasi da, munduko biztanle guztiek medikamentuak eta txertoak eskura dituztela ziurtatzeko eta sendagaiak bidezko prezioan ziurtatzeko. Bozeramaileen batzordeak atzo onartu zuen.

Jarraian, osoko bilkurak aho batez onartu du Arabako Lurralde Historikoko Koadrilen azaroaren 20ko 63/1989 Araua aldatzeko foru-arauaren proiektuari buruzko irizpena. Izapide horrekin formalki ezarri da orain arte Kanpezu-Arabako Mendialdeko Koadrilaren izen ofiziala aldatu dela, eta horrek udal-erreferentzia galdu eta Arabako Mendialdeko Koadrila izena hartu duela.

Jarraian, osoko bilkurak kontuan hartu du ondasun higiezinen gaineko zergari buruzko uztailaren 19ko 42/1989 Foru Araua aldatzeko foru-arauaren proposamena, Arabako Popularrak batzarkide taldearen ekimenez. Proposamena atzera bota dute EAJ-PNV eta Euskal Sozialistak batzarkide taldeen aurkako botoekin, proposamena egin duen taldearen eta Elkarrekin Araba (Podemos-Ezker Anitza-Equo) taldearen aldeko botoekin eta EH Bildu batzarkide taldearen abstentzioarekin.

Guneak aireztatzeko egindako atsedenaldiaren ostean, osoko bilkurak hiru mozio eztabaidatu ditu, eta EH Bildu batzarkide taldeak horietako bi proposatu ditu. Lehenengoak proposatzen zuen Zerga Koordinaziorako Organoak zerga-neurri gehigarriak eta salbuespenezkoak aztertu eta proposatu zitzala aparteko finantzaketa-mekanismoak bermatu ahal izateko. Mozioa atzera bota ostean, osoko bilkurak EAJ-PNV eta Euskal Sozialistak batzarkide taldeek aurkeztutako zuzenketa onartu du, EH Bildu, Arabako Popularrak eta Elkarrekin Araba (Podemos-Ezker Anitza-Equo) batzarkide taldeen aurkako botoekin.

Ondoren, gai-zerrendako bigarren mozioa eztabaidatu da, batzarkide talde berak aurkeztua, Gizarte Zerbitzuen Euskal Sistema arreta-sare publiko artikulatu gisa defendatzeko. Mozioa atzera bota da eta, bestalde, EH Bildu, Arabako Popularrak eta Elkarrekin Araba (Podemos-Ezker Anitza-Equo) batzarkide taldeen aurkako botoekin, EAJ-PNV eta Euskal Sozialistak batzarkide taldeek aurkeztutako zuzenketa atzera bota da.

Amaitzeko, Arabako Popularrak batzarkide taldeak mozio berri bat eraman du osoko bilkurara, gaixotasun mentala duten eta DSBEtik kanpo dauden pertsonei premiazko konponbidea eskatzeko. Mozioa atzera bota ostean, osoko bilkurak EAJ-PNV eta Euskal Sozialistak batzarkide taldeek aurkeztutako zuzenketa onartu du, EH Bildu, Arabako Popularrak eta Elkarrekin Araba (Podemos-Ezker Anitza-Equo) batzarkide taldeen aurkako botoekin.

Deskargatu hemen bozketen laburpena