Batzar Nagusiek, aurten ere, emakumeen aurkako indarkeriarik gabeko gizartea aldarrikatuko dute - www.jjggalava.eus

Arabako Batzar Nagusiek, hainbat ekintzaren bidez, emakumeen aurkako indarkeriarik gabeko gizartea aldarrikatuko dute asteburu honetan, azaroaren 25eko Emakumeen aurkako Indarkeria Desagerrarazteko Nazioarteko Eguna dela eta.

Ostiral honetatik aurrera eta asteburu osoan zehar, Arabako Batzar Nagusien fatxada nagusia kolore morez argiztatuta egongo da eta, gainera, puntu morea izango du, "Emakumeen aurkako indarkeriari ez" leloarekin.

Gainera, Irma Basterra Batzar Nagusietako lehendakariak eta Batzar Nagusietako talde politikoetako ordezkariek, azaroaren 25ean, larunbatean, Probintzia plazan egingo den elkarretaratzean parte hartuko dute 12: 00etan.