2020an ere gure ateak irekitzen ditugu: bisita birtual berria - www.jjggalava.eus
Albisteak
2020an ere gure ateak irekitzen ditugu: bisita birtual berria
2020 aza. 27
Gaur egun bizi dugun osasun-egoera dela eta, gure egoitzarako ate irekien ohiko jardunaldia bertan behera utzi behar izan badugu ere, aurten hala nahi duenak Gasteizko Prado kaleko bi etxe bereizgarri horietako txokoak aurkitzen jarraitu ahal izango du.
Web orri berri honekin batera, 'Arabako Batzar Nagusien egoitzara bisita birtuala 360º-tan’ estreinatu dugu, ate irekien jardunaldi iraunkorra, erakundearen espazio guztiak herritar guztiei, edonondik eta edonoiz, irekitzeko. Eraikinaz gain, ibilbide honen bidez, bisitatzen gaituenak Arabako Batzar Nagusiak zer diren, erakunde-sarean zer funtzio duten, eguneroko lana zein den eta nola osatzen diren ezagutu ahal izango du.