Agerraldia eskaera

Herritarrek edo kolektiboen agerraldi-eskaerak aurkeztea, haien interesekoak diren eta Arabako Batzar Nagusien eskumenekin eta funtzioekin zerikusia daukaten gaiak azaltzeko.

 

Zertan datza izapide hau?

Arabako Batzar Nagusien Funtzionamendu Araudiaren 189. artikulua aplikatuz, Batzar Nagusiei eragiten dieten arazoen berri eman nahi dieten pertsonek edo kolektiboek Ganberaren aurrean agertu nahi dutela jakinarazi ahal izango diote Mahaiari.

189. artikulua
  1. Pertsona edo talderen batek eragiten dion gai bati buruzko informazioa eman nahi badie Batzar Nagusiei, Mahaiari jakinarazi ahal dio Batzarretan agertu nahi duela. Mahaiak eskaerak kalifikatuko ditu eta, Araudi honetako 61.1 artikuluak xedatutako ebazpenetako bat erabakitzeko aukera izateaz gain, aztertuko du proposatuko gai hori interesgarria den Batzarrek dituzten eskumen eta funtzioen arabera.

  2. Mahaiak erabakitzen badu proposatutako gaiak eragina duela Batzarretako eskumen edo funtzioetan, erabaki dezake, identitatea eta aipatutako taldearen interesen ordezkaritza egiaztatu ondoren, eskatzailea gaia dela-eta dagokion batzordean zuzenean ager dadin.

  3. Eskumena duen batzordeak eskaera landu eta bozketa bidez erabakiko du interesatuaren edo interesatuen entzunaldia onartzea edo ez.

  4. Entzunaldia onartuz gero, batzordea informazio bilkura moduan osatuko da; bilkura batean gai baten inguruan dauden ekimen guztiak metatu ahal dira.

  5. Informatzeko bilkurak ateak itxita egin daitezke, agerraldia burutuko duenak hala eskatzen badu edo bilkura zein organotan egin eta horrek erabakitzen badu.

  6. Informatzeko Bilkuran dauden Batzarkideek agerraldia burutuko dutenei nahi duten informazioa eta argibideak eskatuko dizkiete, baina ezingo dute baloraziorik egin, taldearen jarrera agertu edo oharrik burutu. Denborei eta prozedurari dagokienez, Araudi honek orokorrean xedatutakoa bete beharko da.

 

Eskaera nola egin?

Eskaera ereduari jarraituz egin daiteke.

FORMULARIOA


Gehienez 4 pertsona egin dezakete agerraldia. Harremanetarako datuak adierazi behar dira eta datuen babeseko fitxa entregatu. Agerraldi egile guzti-guztiek onespena eman ezean, ekimena ez da web gunean argitaratuko eta izapidetuko duen batzordearen bilkura ateak itxita egingo da.

Non aurkezten dira agerraldi-eskaerak?

Era presentzialean

Eskaera eta dokumentazioa beteta eta sinatuta aurkeztu behar da Arabako Batzar Nagusietako Idazkaritza Nagusiaren erregistroan.

Ordutegia: 8:00etatik 15:00etara Helbidea: Vicente Goikoetxea, 2 01008 Vitoria-Gasteiz

Era telematikoan

Eskaera eta dokumentazioa beteta, sinatuta eta eskaneatuta bidali behar da posta elektroniko bidez.

E-mail: ciudadania@jjggalava.eus