Administrazio zerbitzuak - www.jjggalava.eus

Idazkaritza Nagusia 

Funtzioak

68. artikulua

1. Batzar Nagusietako Idazkaritza Nagusia Ganberaren administrazioa da.
2. Idazkaritza Nagusiari dagokio Ganberako organoei laguntza, gestioa eta aholkularitza ematea.
3. Legelari nagusia da Idazkaritza Nagusiko zuzendaria, eta haren ardurapena izango dira langile guztiak; Batzar Nagusietako zerbitzuburu ere bada, eta Mahaiaren aurrean emango du bere kudeaketaren kontu, lehendakariaren bitartez.

Idazkaritza Nagusia 

Komunikazio eta protokolo zerbitzua 

Arabako Batzar Nagusietako Komunikazio eta Protokolo Zerbitzuak behar diren ahaleginak egiten ditu instituzioa eta hedabideen arteko hartu-emana eraginkorra eta efizientea izan dadin. Halaber, bere ardura ere bada gizartearekin komunikazioa izatea eta publizitate instituzionala eta argitalpenak editatzea eta gainbegiratzea. 

Zerbitzu hau arduratuko da Arabako Batzar Nagusien antolatutako ekitaldi guztiak antolatu eta behar bezala garatzeaz, bai eta foru-legebiltzarraren instalazioak bisitatzeko bisita gidatuen programa egiteaz.