null Arabako Lurralde Historikoaren aurrekontuen foru arauaren proiektuaren tramitatzea

Arabako Lurralde Historikoaren aurrekontuen foru arauaren proiektuaren tramitatzea

Proiektuaren ematea
2021 aza. 15

Itziar Gonzalo Ogasun, Finantza eta Aurrekontu diputatuak Pedro Elosegi Arabako Batzar Nagusietako presidenteari eman dio gaur goizean 2022. urterako Arabako Lurralde Historikoko Aurrekontuen Foru Arauaren proiektua. Arabako legebiltzarraren egoitzan egin den ekitaldi sinbolikoarekin hasi da proiektua Foru Ganberan tramitatzen.

Ekitaldia formalizatu ondoren, non Ogasun, Finantza eta Aurrekontuetako foru diputatuak Diputatuen Kontseiluak onartu berri duen proiektua jasotzen duen USB memoria legegileko presidenteari modu sinbolikoan eman dion, Arabako Legebiltzarreko Mahaia bildu egin da ekimena kalifikatzeko. Halaber, foru parlamentuko zuzendaritza organoak eta bozeramaileen batzordeak baimena eman diote tramitazio legegilearen egutegiari. Bertan, lehenengo hitzordua foru gobernuko kide guztien agerraldia izango da, datozen azaroaren 22an eta 23an. Behin foru diputatuek aurkeztuta, epe bat irekiko da proiektua osorik zuzendu ahal izateko, testu artikulatuan, atal oso batean edo bere programa, kapitulu, artikulu, kontzeptu eta kontu-sailetan eta memorian, batzarkide taldeen bitartez. Ogasun, Finantza eta Aurrekontu Batzordean tramitatu ondoren, osoko bilkurak izango du azken hitza foru araua onartu aurretik, hala badagokio.

Arabako Batzar Nagusien erregelamenduaren 150. artikuluan adierazten den bezala, Aurrekontu Orokorren foru-arauaren proiektuak lehentasuna izango du izapidetzean, Ganberaren gainerako lanen aldean, eta Mahaiak gainerako organoen lan-egutegia aipatutako lehentasunera egokitu ahal izango du.