null Mahaikideen bilera

Mahaikideen bilera

Mahaikideen bilera
2021 eka. 01

Arabako Batzar Nagusietako Mahaia gaur goizean bildu da Pedro Elosegi jauna buru dela, eta honako gai hauek jorratu ditu, besteak beste:

FORU-ARAUAK

Instituzio arteko lankidetza.- Foru-arau proiektua, Euskal Autonomia Erkidegoko Administrazio Orokorra, Araba, Bizkai eta Gipuzkoako foru aldundien eta Euskaltzaindiaren arteko lankidetza-hitzarmena berresteko, 2021-2024 aldirako bost instituzioen arteko lankidetzaren oinarriak ezartzeko.

MOZIOAK

Covid-19 autobusetan.- Elkarrekin Araba (Podemos-Ezker Anitza-Equo) Batzarkide Taldeak Bide Azpiegituren eta Mugikortasunaren Batzordean eztabaidatzeko mozioa aurkeztu du, ArabaBus eta eskualdeko garraioan, SARS-CoV-2 infekzioaren aerosol bidezko transmisioari dagokionez, behar diren prebentzio-neurriak eta informazio eguneratua jasotze aldera. 

Covid-19ren prebentzioa.- Elkarrekin Araba (Podemos-Ezker Anitza-Equo) Batzarkide Taldea Enplegu, Merkataritza, eta Turismo Sustapenaren eta Foru Administrazioaren Batzordean eztabaidatzeko mozioa aurkeztu du, SARS-CoV-2 infekzioaren aerosol bidezko transmisioari dagokionez behar diren prebentzio-neurriak eta informazio eguneratua jasotze aldera. 

Amurrioko Zabaleko ikastetxea.- Arabako Popularrak Batzarkide Taldeak Ekonomia Garapenaren, Berrikuntzaren eta Demografia Erronkaren Batzordean eztabaidatzeko mozioa aurkeztu du, Amurrioko Zabaleko ikastetxe zabalik mantentzeko beharrari buruz.

Adopzio osteko zerbitzua.- EH Bildu Batzarkide Taldeak Gizarte Ongizatearen Batzordean eztabaidatzeko mozioa aurkeztu du, Arabako Foru Aldundiak eskaintzen duen adopzio osteko zerbitzuari buruz.

AGERRALDIAK

Gatronomia elkarteetako egoera.- Arabako Popularrak Batzarkide Taldeak bigarren diputatu nagusiorde eta Enplegu, Merkataritza, eta Turismo Sustapenaren eta Foru Administrazioaren Saileko foru diputatuaren agerraldia eskatu du, informazioa eman dezan Arabako gastronomia-elkarteen egoeraz.

Geltoki berria Arroiaben.- EH Bildu Batzarkide Taldeak Bide Azpiegituren eta Mugikortasunaren Saileko foru diputatuaren agerraldia eskatu du, argitu dezan zertan dagoen Arroiabe herrian Gasteizerako norabidean geltoki berria egiteko prozesua.

Adimen-desgaitasuna duten pertsonentzako zentroa.- Arabako Popularrak Batzarkide Taldeak Gizarte Zerbitzuen Saileko foru diputatuaren agerraldia eskatu dute, adimen-gaitasun gaileneko diagnostikoa duten pertsonentzako eguneko zentroari buruz eta ikastetxeetatik irten ondoren itxarote-zerrendan dauden nerabeen egoerari buruz.

Gastronomia elkarteen itxierak ekarritako gastua konpentsatzea.- Arabako Popularrak Batzarkide Taldeak bigarren diputatu nagusiorde eta Enplegu, Merkataritza, eta Turismo Sustapenaren eta Foru Administrazioaren Saileko foru diputatuaren agerraldia eskatu du, jakinarazi dezan Arabako gastronomia-elkarteak itxi izanak ekarri dituen gastuak konpentsatzeko jarduketarik egingo ote den.

GALDERAK

AtzeAtzerapena 2050n.- EH Bildu Batzarkide Taldeak idatziz erantzuteko galdera bat aurkeztu du, Ingurumen eta Hirigintza Saileko foru diputatuari zuzendua, Klima Araba 2050 Estrategiaren lanen atzerapenaren inguruan.

Eguneko arretako landa-zentroak.- Arabako Popularrak Batzarkide Taldeak idatziz erantzuteko galderak aurkeztu ditu, Gizarte Zerbitzuen Saileko foru diputatuari zuzendua, eguneko arretako landa-zentroei eta beren erabiltzaileen inguruko zenbait konturi buruz.

Neke pandemikoa.- Arabako Popularrak Batzarkide Taldeak idatziz erantzuteko galdera bat aurkeztu du, Gizarte Politiken Saileko foru diputatuari zuzendua, otsailaren 25eko 17/2021 Mozioa betearazteko abian jarri diren neurri eta jarduketei buruz.

Arraia-Maeztuko estazio meteorologikoa jartzea.- EH Bildu Batzarkide Taldeak idatziz erantzuteko galdera bat aurkeztu du, Ingurumen eta Hirigintza Sailari zuzendua, Arraia-Maeztuko Iturrieta1 estazio meteorologikoa instalatzeko lanak hasteari buruz.

Euskadi Next.- EH Bildu Batzarkide Taldeak idatziz erantzuteko galdera bat aurkeztu du, diputatu nagusiari zuzendua, 2021-2026 Euskadi Next Euskadiren Susperraldirako eta Erresilentziarako Programaren eguneratzeari buruz.

INFORMAZIO-ESKAERAK

Alarte egoitzako ikuskapenen aktak.- EH Bildu Batzarkide Taldeak informazio-eskaera bat aurkeztu du, Gizarte Politiken Saileko foru diputatuari zuzendua, eskatzeko ALARTE egoitzan 2020 eta 2021 urteetan egindako ikuskapenen akten kopia.

Ureztapena hobetzeko proiektuak.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, Espainiako Gobernuari errekuperazio-planaren funtsak lortzeko bidali zaizkion ureztapena hobetzeko zenbait proiekturi buruz.

BESTELAKO GAIAK

Eskualdeko Nekazaritza Bulegoa-Guardiako Ardoaren Etxea.- Arabako Popularrak Batzarkide Taldeak eskatzen du Nekazaritza Batzordeak bisita egin dezala Guardiako Nekazaritza Eskualde Bulegoa – Ardoaren Etxera, ezagutzeko bertan egiten diren zereginak, mahats-biltze sasoian laginak jasotzeko prozeduraren eta oro har Arabako Errioxako ardogile eta upategiei ematen zaizkien zerbitzuak.