null Osoko bilkuran jorratutako gaien laburpena

Osoko bilkuran jorratutako gaien laburpena

Osoko bilkura
2022 urr. 19

Arabako Batzar Nagusiek beste osoko bilkura bat egin dute gaur goizean, eta Euskal Autonomia Erkidegoko Administrazio Orokorraren eta Arabako Foru Aldundiaren arteko lankidetza-hitzarmena berresteko foru-arauaren proiektua onartzeari buruzko eztabaidarekin hasi dira, hala iritziz gero, trafikoari eta ikuskapenari, errepideei eta bide-segurtasuna hobetzeko bide-informazioa trukatzeari dagokienez. 20/2022 foru araua EAJ-PNV, Euskal Sozialistak eta Elkarrekin Araba (Podemos-Ezker Anitza-Equo) batzarkide-taldeen aldeko botoekin eta EH Bildu eta Arabako Popularren abstentzioarekin onartu da.

Ondoren, Lurralde Historikoko ordezkaritza-organo gorenak lau mozio eztabaidatu ditu, urriaren 5eko gobernuaren kontrolerako osoko bilkuran eztabaidatutako interpelazioetatik eratorriak. Lehenengoak, Iñaki Oyarzabal Arabako Popularren bozeramailearen hitzetan, euskal Y-aren eta Iruñearen arteko lotura aztertuko du. Mozioa atzera bota dute eta, horren ordez, EAJ-PNV eta Euskal Sozialistak batzarkideek aurkeztutako zuzenketa onartu dute, EH Bildu, Arabako Popularrak eta Elkarrekin Araba (Podemos-Ezker Anitza-Equo) taldeen kontrako botoekin.

Ondoren, EH Bilduko bozeramaile Kike Fz de Pinedok eztabaida hasi du, 2017ko zerga-erreformari buruzko balorazioa egin beharraz eta Arabako erakundeen muskulu ekonomikoa bermatuko duen zerga-erreforma berri baten beharraz. EH Bildu eta Elkarrekin Araba (Podemos-Ezker Anitza-Equo) batzarkide-taldeek aurkeztutako erdibideko-zuzenketa atzera bota da eta, horren ordez, EAJ-PNV eta Euskal Sozialistak batzarkide-taldeek aurkeztutako zuzenketa onartu da, EH Bildu, Arabako Popularrak eta Elkarrekin Araba (Podemos-Ezker Anitza-Equo) taldeen kontrako botoekin.

Gaur goizean osoko bilkurara eramandako hirugarren mozioak, Elkarrekin Araba (Podemos-Ezker Anitza-Equo) taldearen ekimenez eta Damián García-Moreno prokuradorearen hitzetan, negoziazio kolektiboa babestea zuen helburu. Mozioa atzera bota dute eta, horren ordez, EAJ-PNV eta Euskal Sozialistak batzarkideek aurkeztutako zuzenketa onartu dute, Arabako Popularraren aldeko botoekin, EH Bilduren kontrako botoekin eta Elkarrekin Arabaren (Podemos-Ezker Anitza-Equo) abstentzioarekin.

Azkenik, Elkarrekin Araba (Podemos-Ezker Anitza-Equo) batzarkide-taldeko bozeramaile David Rodriguezek mozio bat aurkeztu du elikagaien eta oinarrizko produktuen prezioek Arabako familia askoren ekonomietan duten gorakadaren aurrean. EH Bildu eta Elkarrekin Araba (Podemos-Ezker Anitza-Equo) batzarkide-taldeek aurkeztutako edibideko zuzenketa atzera bota da EAJ-PNV, Euskal Sozialistak eta Arabako Popularrak batzarkide-taldeen kontrako botoekin, eta haren ordez EAJ-PNV eta Euskal Sozialistak batzarkide-taldeek aurkeztutako zuzenketa onartu da, EH Bilduren eta Arabako Popularren aurkako botoekin eta Elkarrekin Arabaren (Podemos-Ezker Anitza-Equo) abstentzioarekin.

Batzordeen eta osoko bilkuraren bilerak zuzenean jarraitu daitezke Arabako parlamentuaren mediatekaren bidez (http://mediateca.jjggalava.eus/live), eta amaitu ondoren, osorik eta gai-zerrendako puntuka eta prokuradoreen esku-hartzeka zatituta ikusi ahal izango da, honako aplikazio beraren bidez.