null Osoko bilkuran jorratutako gaien laburpena

Osoko bilkuran jorratutako gaien laburpena

Osoko bilkura
2021 api. 14

Arabako Batzar Nagusien osoko bilkura egin da gaur goizean, 9:00etatik aurrera, Probintziako Etxe-Jauregiko osoko bilkuren aretoan. Osoko bilkuraren hasieran, minutu bateko isilunea egin da, Joseba Iñaki Aldekoa Azarloza Aralarren zortzigarren legegintzaldiko talde mistoko prokuradorearen omenez.

Jarraian, batzarkide taldeek aurkeztutako lau mozio eztabaidatu dituzte prokuradoreek. Lehenik eta behin, Nerea Martinez EH Bildu batzarkide taldeko prokuradoreak osoko bilkurara eraman du Eliza Katolikoak Araban immatrikulatutako ondasunak berreskuratzea. Mozioa atzera bota da eta, horren ordez, EAJ-PNV eta Euskal Sozialistak batzarkide taldeek aurkeztutako zuzenketa onartu da.

Gai-zerrendako hurrengo puntuan, foru legebiltzarreko organo gorenak, Elkarrekin Araba (Podemos-Ezker Anitza-Equo) batzarkide taldeko José Damián García-Moreno prokuradoreak eskatuta, Etxez Etxeko Laguntza, Eguneko Zentro eta Mendekotasun eta Esku-hartze Sozialeko Balorazio Zerbitzuko langile eta erabiltzaileek Kobidaren aurkako 19 txertoa jartzeari buruzko mozioa eztabaidatu du. Mozioa, bai eta EH Bildu, Arabako Popularrak eta Elkarrekin Araba (Podemos-Ezker Anitza-Equo) batzarkide taldeek aurkeztutako erdibideko zuzenketa ere, atzera bota dira, eta, horren ordez, EAJ-PNV eta Euskal Sozialistak batzarkide taldeek aurkeztutako zuzenketa onartu da.

Bilkuraren bigarren erdiari dagokionez, Arabako Popularrak batzarkide taldeko prokuradore Ana Moralesek Aiaraldea biziberritzeko plana eskatzen zuen mozio bat aurkeztu du. Puntu honetan, erdibideko zuzenketa bat onartu da aho batez.

Elkarrekin Araba (Podemos-Ezker Anitza-Equo) batzarkide taldearen ekimen berri baten eztabaidak, oraingoan David Rodriguez prokuradorearen hitzetan, bilkura itxi du. Honetan, Gasteizko Udalari eskatzen zion herritarren etxebizitza-eskubidea bermatzeko eta indarreko legeria zorrotz betetzeko, Olarizu etorbideko udal-jabetza publikoko etxebizitzak husteko errekerimenduaren esparruan. Mozioa, bai eta EH Bildu eta Elkarrekin Araba (Podemos-Ezker Anitza-Equo) batzarkide taldeek aurkeztutako erdibideko zuzenketa ere, atzera bota dira.

Deskargatu hemen bozketen laburpena