null Arabako Batzar Nagusiek Memoriaren Eguna ospatu dute

Arabako Batzar Nagusiek Memoriaren Eguna ospatu dute

Oroitzapen Eguna
2022 aza. 10

Arabako Batzar Nagusiek Memoriaren Egunaren ospakizunarekin bat egin dute gaur goizean. Oroitzapen-egun hori 2010ean urtero ospatzea erabaki zuten Eusko Jaurlaritzak, Eusko Legebiltzarrak, hiru Batzar Nagusiek eta Eudelek, biktimen memoria bakearen etorkizunaren erreferente bihurtzeko asmoz.

Mahaikideek, batzarkide-taldeen bozeramaileekin eta beste prokuradore batzuekin batera, lore zurien zentro bat jarri dute erakundearen egoitzan, Fernando Buesa, 2000. urtean Etak eraildako Batzar Nagusi hauetan prokuradorea zenaren omenez, biktima guztiak oroitzeko eta omentzeko.