Ingurumen eta Hirigintzako foru diputatuak eta Dikerik Ez plataformak agerraldia egingo dute astelehenean batzordean - www.jjggalava.eus
Albisteak
Ingurumen eta Hirigintzako foru diputatuak eta Dikerik Ez plataformak agerraldia egingo dute astelehenean batzordean
Ingurumen eta Hirigintzako foru diputatuak eta Dikerik Ez plataformak agerraldia egingo dute astelehenean batzordean
Halaber, asteazkenean, foru gobernuko kideek batzarkide taldeen galderak eta interpelazioak erantzungo dituzte kontroleko osoko bilkuran
Arabako legegintza-astea astelehen goizean hasiko da, Ingurumen eta Hirigintza batzordearen bilerarekin. 8:30etik aurrera, Dikerik Ez plataformako ordezkariek Zalla ibaian egingo diren obrei eta aurreikusitako dikeari buruz duten ikuspuntua azalduko dute. Ondoren, Jose Antonio Galera arloko foru diputatua hiru aldiz agertuko da, beste hainbeste gairen berri emateko. Lehenik eta behin, Eusko Legebiltzarrean izapidetzen ari den Energia Berriztagarrien Lurralde Plan Sektorialari dagokionez, bere saila egiten ari den lanen, txostenen edo ekintzen berri emango die bertaratuei; ondoren, Zadorra ibaiaren uholdeak prebenitzeko proiektuari dagokionez gauzatzen ari den ekintzen berri emango du, eta, amaitzeko, Alegria ibaiaren kanalean fauna hiltzeari buruzko azterlana eta diagnostikoa aurkeztuko ditu, hasierako irtenbide-plan posibleekin batera.
Foru Ganberan ohikoa denez, asteartean Mahaiaren eta Bozeramaileen Batzordearen asteroko bileren txanda iritsiko da. Bilera horietan, besteak beste, martxoaren 9an, asteazkenean, ospatuko den hurrengo osoko bilkuraren gai-zerrenda erabakiko da.
Hurrengo egunean, Arabako Parlamentuko osoko bilkuren aretoan, Probintzia Jauregi-etxean, gobernuaren kontrolerako beste saio bat egingo da. Bilera horretan, Arabako Foru Aldundiko gobernuko kideek sei interpelazio eta zazpi galdera erantzungo dituzte; horietatik sei Arabako Popularrak batzarkide taldearen ekimena dira, bost EH Bildukoak eta gainontzeko biak Elkarrekin Araba taldeak (Podemos-Ezker Anitza-Equo) aurkeztu ditu.
Astea amaitzeko, ostiralean Enplegu, Merkataritza eta Turismo Sustapenaren eta Foru Administrazioaren batzordearen beste bilera bat egitea aurreikusi da, lurralde legegilearen egoitzan.
Batzordeen eta osoko bilkuraren bilerak zuzenean jarraitu ahal izango dira Arabako parlamentuaren mediatekaren bidez (http://mediateca.jjggalava.eus/live), eta amaitu ondoren, osorik eta gai-zerrendako puntuka eta prokuradoreen esku-hartzeka zatituta ikusi ahal izango da, honako aplikazio beraren bidez.