Mahaiak gaur goizeko bileran aztertutako gaiak - www.jjggalava.eus

Arabako Batzar Nagusien Mahaiak, Pedro Elosegi jauna buru duela, bilera egin du gaur goizean, eta gai hauek landu ditu, besteak beste:

MOZIOAK

De Miguel kasua.- Osoko bilkuran eztabaidatzeko mozioa, Arabako Popularrak batzarkide-taldeak aurkeztua, De Miguel kasua deritzonean EAJko zenbait kargudunek zuzendutako ustelkeria-bilbea gaitzestekoa.

AGERRALDIAK

Mendiei buruzko Foru Araua.- Agerraldi-eskaerak, EH Bildu eta Elkarrekin Araba (Podemos-Ezker Anitza-Equo) batzarkide-taldeek aurkeztuak, Nekazaritza Saileko foru-diputatuak agerraldia egin dezan, Arabako Lurralde Historikoko Mendiei buruzko 11/2007 Foru Araua aldatzeko foru-arauaren proiektua azaltzeko.

De Miguel kasua.- Presako agerraldi-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, diputatu nagusiak agerraldia egin dezan, Eusko Jaurlaritzak Alfredo de Migueli ematen dizkion erantzukizun instituzionalei buruzko bere balorazioaren berri emateko.

Kontzejuek energia-komunitateetan parte hartzea.- Agerraldi-eskaera, EH Bildu batzarkide-taldeak aurkeztua, Lurralde Orekaren Saileko foru-diputatuak agerraldia egin dezan, argibideak emateko 2022ko uztailaren 7ko txostenari eta txosten horren zabaltzearen egikaritze-egoerari buruz; txostena kontzejuek energia-komunitateetan parte-hartzeari buruzkoa da.

GALDERAK

Onkologiako pazienteak desbideratzea.- Osoko bilkuran erantzuteko galdera, Arabako diputatu nagusiari zuzendua, Elkarrekin Araba (Podemos-Ezker Anitza-Equo) batzarkide-taldeak aurkeztua, jakiteko zer balorazio eta zer jarduketa egiten duen onkologiako pazienteak Arabatik Donostiara desbideratu izanari eta Arabako eta Arabako Errioxako ESIei eragiten dieten bularreko minbiziaren baheketan Osakidetzan izandako atzerapenei buruz.

Forondako eraikin bat eraistea.- Osoko bilkuran erantzuteko galdera, Kultura eta Kirol Saileko foru-diputatuari zuzendua, EH Bildu batzarkide-taldeak aurkeztua, Forondan adineko pertsonentzako makroresidentzia bat eraikitzeko proiektuaren esparruan eraikin babestu bat eraistearen ondorioei buruzkoa.

Gizarte Larrialdietarako Laguntzak eta kotizazio gabeko pentsioaren prestazioa.- Idatziz erantzuteko galdera, Ogasun, Finantza eta Aurrekontu Saileko foru-diputatuari zuzendua, Arabako Popularrak batzarkide-taldeak aurkeztua, Gizarte Larrialdietarako Laguntzei eta kotizazio gabeko pentsioaren prestazioari buruzkoa.

Añanako Kuadrillako gizarte-langilea.- Idatziz erantzuteko galderak, Gizarte Politiken Saileko foru-diputatuari zuzenduak, EH Bildu batzarkide-taldeak aurkeztuak, Añanako Kuadrillan laugarren gizarte-langile bat kontratatzeari buruzko zenbait kontu jakiteko.

San Prudentzio adinekoen arretarako zentro integraleko egoitza-plazak.- Idatziz erantzuteko galderak, Gizarte Politiken Saileko foru-diputatuari zuzenduak, EH Bildu batzarkide-taldeak aurkeztuak, San Prudentzio adinekoen arretarako zentro integraleko egoitza-plazen kopuruari buruzko zenbait kontu jakiteko.

Gaixotasun mentala duten pertsonentzako eta Adinekoen Arlorako zerbitzuak.- Idatziz erantzuteko galderak, Gizarte Politiken Saileko foru-diputatuari zuzenduak, Elkarrekin Araba (Podemos-Ezker Anitza-Equo) batzarkide-taldeak aurkeztuak, Buruko Gaixotasuna duten Pertsonen Arloari eta Adinekoen Arloari dagokienez Gizarte Ongizaterako Foru Erakundeak emandako zerbitzuei buruzkoak.

Familia-ingurunean zaintzeko baliabideak.- Idatziz erantzuteko galdera, Gizarte Politiken Saileko foru-diputatuari zuzendua, Elkarrekin Araba (Podemos-Ezker Anitza-Equo) batzarkide-taldeak aurkeztua, familia-giroan zaintzeko prestazio ekonomikoko baliabideei eta laguntza pertsonalerako prestazio ekonomikoari buruzkoa.

Alavabus foru-garraioa.- Idatziz erantzuteko galdera, Bide Azpiegituren eta Mugikortasunaren Saileko foru-diputatuari zuzendua, Elkarrekin Araba (Podemos-Ezker Anitza-Equo) batzarkide-taldeak aurkeztua, Alavabus foru garraio-zerbitzuari buruzkoa.

Noryeste baltsa.- Idatziz erantzuteko galdera, Nekazaritza Saileko foru-diputatuari zuzendua, EH Bildu batzarkide-taldeak aurkeztua, Noryestek hartzen dituen lurrei eta inguruko ureztatzaile-elkarteei buruzkoa.

Markak, diseinuak eta babesletzak.- Idatziz erantzuteko galdera, Diputatu Nagusiaren Sailari zuzendua, Arabako Popularrak batzarkide-taldeak aurkeztua, Markak, diseinuak eta babesak izeneko partidari buruzkoa.

Ibaietako isurketak.- Idatziz erantzuteko galdera, Ingurumen eta Hirigintza Saileko foru-diputatuari zuzendua, Arabako Popularrak batzarkide-taldeak aurkeztua, Arabako ibaietan 2019., 2020., 2021. eta 2022. urteetan Arabako ibaietan izandako isurketen kopuruari buruzkoa.

Adingabeen zentroetako langileek erasoengatik jarritako salaketak.- Idatziz erantzuteko galdera, Gizarte Politiken Saileko foru-diputatuari zuzendua, Arabako Popularrak batzarkide-taldeak aurkeztua, foru-erantzukizuneko adingabeentzako zentroetan lan egiten duten langileek jasan dituzten erasoengatik 2021. eta 2022. urteetan Ertzaintzan jarritako salaketen kopuruari buruz.

Arabako Foru Aldundiaren kargurako adingabeen ihesak.- Idatziz erantzuteko galdera, Gizarte Politiken Saileko foru-diputatuari zuzendua, Arabako Popularrak batzarkide-taldeak aurkeztua, 2019., 2020., 2021. eta 2022. urteetan Ertzaintzari edo Udaltzaingoari salatu zaizkien Arabako Foru Aldundiaren kargurako adingabeen ihesen eta/edo borondatezko desagertzeen kopuruari buruzkoa.

Hondakinen Behatokia.- Idatziz erantzuteko galdera, Ingurumen eta Hirigintza Sailari zuzendua, EH Bildu batzarkide-taldeak aurkeztua, Hiri Hondakinen Behatokiari buruzkoa.

Iruña-Veleiako harresiko inskripzioa.- Idatziz erantzuteko galdera, Kultura eta Kirola Sailari zuzendua, EH Bildu batzarkide-taldeak aurkeztua, Iruña-Veleiako harresiaren garbiketan azaleratu den inskripzio bati buruzkoa.

Trebiñuko nekazaritza.- Idatziz erantzuteko galdera, Nekazaritzako foru-diputatuari zuzendua, EH Bildu batzarkide-taldeak aurkeztua, EH Bildu batzarkide-taldeak aurkeztua, Trebiñu enklabeko nekazaritzari buruzkoa.

INFORMAZIO-ESKAERAK

Arabako Foru Aldundiaren kargurako adingabeak.- Informazio-eskaera, Arabako Foru Aldundiari zuzendua, Arabako Popularrak batzarkide-taldeak aurkeztua, Arabako Foru Aldundiaren kargura dauden adingabeei buruzko zenbait datu eskatzekoa.

Etenduradun eragozpen-txostenak.- Informazio-eskaera, Ogasun, Finantza eta Aurrekontu Sailari zuzendua, Arabako Popularrak batzarkide-taldeak aurkeztua, Kontu-hartzailetza Zerbitzuak 2019ko urtarrilaren 1etik gaur arte egindako etenduradun eragozpen-txostenei buruzkoa.

Gorbeialdeko Ekiola proiektua.- Informazio-eskaera, diputatu nagusiari zuzendua, EH Bildu batzarkide-taldeak aurkeztua, Gorbeialdeko Ekiola proiektuari buruz Arabako Foru Aldundiaren esku dagoen dokumentazioaren kopia eskatzekoa.

STOA enpresarekiko kontratuak.- Informazio-eskaera, diputatu nagusiari zuzendua, EH Bildu batzarkide-taldeak aurkeztua, STOA enpresak Arabako Foru Aldundiaren edozein sailekin zein haren menpeko edozein erakunde autonomo, baltzu edo fundaziorekin dituen kontratuen zerrenda eskatzekoa.