Mahaiak gaur goizeko bileran aztertutako gaiak - www.jjggalava.eus

Arabako Batzar Nagusien Mahaiak, Pedro Elosegi jauna buru duela, bilera egin du gaur goizean, eta gai hauek landu ditu, besteak beste:

FORU ARAUA

Ticket Bai.- Foru-arau proposamena, Arabako Popularrak batzarkide-taldeak aurkeztua, tresna teknologikoak erabiltzeko betebeharra ezartzen duen apirilaren 21eko 13/2021 Foru Araua aldatzekoa.

MOZIOAK

Zerealak hornitzeko bermea.- Interpelazioaren ondoriozko mozioa, EH Bildu batzarkide-taldeak aurkeztua, elikagaien krisiari eta Araban zerealen hornikuntza bermatzeari buruzkoa.

Zainduz programaren gaineko hobekuntzak.- Interpelazioaren ondoriozko mozioa, Arabako Popularrak batzarkide-taldeak aurkeztua, Zainduz programaren barruan desgaitasuna duten pertsonentzako eta haien familientzako hobekuntzak edo arnasa hartzeko programa berriak ezartzearen ingurukoa.

Legardagutxi parkea.- Osoko bilkuran eztabaidatzeko mozioa, EH Bildu batzarkide-taldeak aurkeztua, Legardagutxi parkea aztertzea eta egokitzea eta parke txiki bat sortzea eskatzeko.

Eskumen berriak Gardentasunaren Foru Kontseiluarentzat.- Mozioa, EH Bildu batzarkide-taldeak aurkeztua, Lehendakaritza, Euskara, Berdintasuna, Lankidetza eta Giza Eskubideen Batzordean eztabaidatzekoa, Gardentasunaren Foru Kontseiluari eskumen berriak ematea eskatzeko.

AGERRALDIAK

Berriztagarrien Lurralde Plan Sektoriala.- Agerraldi-eskaera, EH Bildu batzarkide-taldeak aurkeztua, Ingurumen eta Hirigintza foru-diputatuak agerraldia egin dezan, Arabako Foru Aldundiko Ingurumen Zerbitzuek Berriztagarrien Lurralde Plan Sektorialaren aurrerapen-dokumentuari egindako txostena azaltzeko, Arabako zatiari dagokionez.

Sistema hidrikoei erasana Goiaingo industrialdean.- Agerraldi-eskaera, EH Bildu batzarkide-taldeak aurkeztua, URA - Uraren Euskal Agentziaren arduradunek Ingurumen eta Hirigintza Batzordean agerraldia egin dezaten, Goiaingo industrialdean material industrialak birziklatzen dituzten fabrikek sistema hidrikoei eragindako erasana azaltzeko.

INTERPELAZIOA

Ingurumen-kutsadura Urrunagan.- Interpelazioa, Elkarrekin Araba (Podemos-Ezker Anitza-Equo) batzarkide-taldeak aurkeztua, Diputatu Nagusiari zuzendua, Urrunagan bizi diren pertsonei eta Urrunagako inguruneari modu oso kezkagarrian eragiten dien ingurumen-kutsadurak sortutako egoera larriari eta erakundeen erantzunik ezari buruzkoa.

GALDERAK

Ehiza-uxaldia Mendixur-Mendijurko eremu babestuan.- Batzordean erantzuteko galdera, Elkarrekin Araba (Podemos-Ezker Anitza-Equo) batzarkide-taldeak aurkeztua, Nekazaritzako foru-diputatuari zuzendua, Mendixur-Mendijurko lerroko eremu babestuetan ehiza-uxaldi bat salatu izanaren ingurukoa.

Etxez Etxeko Laguntza Zerbitzua landa-eremuan.- Idatziz erantzuteko galdera, EH Bildu batzarkide-taldeak aurkeztua, Gizarte Politiken Saileko foru-diputatuari zuzendua, Arabako landa-eremuko 65 urte baino gehiagoko Etxez Etxeko Laguntza Zerbitzuaren erabiltzaileen gainekoa.

Ikuskaritza eskola-kirolean.- Idatziz erantzuteko galdera, EH Bildu batzarkide-taldeak aurkeztua, Kultura eta Kiroleko foru-diputatuari zuzendua, eskola-kiroleko ikuskaritzaren egoerari buruzkoa.

Eskola-kirola arautzen duen foru-araua.- Idatziz erantzuteko galdera, EH Bildu batzarkide-taldeak aurkeztua, Kultura eta Kiroleko foru-diputatuari zuzendua, eskola-kirola arautzen duen foru-arauaren garapenaren ingurukoa.

Adimen-desgaitasuna duten pertsona nagusientzako itundutako egoitza-plazak.- Idatziz erantzuteko galdera, Arabako Popularrak batzarkide-taldeak aurkeztua, Gizarte Politiketako foru-diputatuari zuzendua, gaixotasun mentala eta/edo adimen-desgaitasuna duten 65 urte baino gehiagoko pertsonentzako itundutako egoitza-plazen gainekoa.

INFORMAZIO-ESKAERAK

Neurri fiskalak despopulazio-arriskua duten eremuetan.- Informazio-eskaera, Arabako Popularrak batzarkide-taldeak aurkeztua, Arabako Foru Aldundiari zuzendua, Araban despopulazio-arriskua duten eremuetan ezartzen diren neurri fiskalen onuradunen gainekoa.

Gizarte Zerbitzuen Ikuskaritza eta Erregistro Zerbitzua.- Informazio-eskaera, EH Bildu batzarkide-taldeak aurkeztua, Gizarte Politiken Saileko foru-diputatuari zuzendua, Gizarte Zerbitzuen Erregistro eta Ikuskatzailetza Zerbitzuko 2012-2022 urte arteko langile-kopuruaren gaineko datuak eskatzeko.

GOFEk hainbat lanpostu ituntzea.- Informazio-eskaera, Arabako Popularrak batzarkide-taldeak aurkeztua, Gizarte Politiketako foru-diputatuari zuzendua, GOFEko hainbat arloko zenbait lanpostu itundu izanaren ingurukoa.

Mahastiak landatzea.- Informazio-eskaera, Arabako Popularrak batzarkide-taldeak aurkeztua, Nekazaritzako foru-diputatuari zuzendua, mahastiak landatzearen ingurukoa.

BESTELAKO GAIAK

Ingurumen-kutsadura Urrunagan.- Elkarrekin Araba (Podemos-Ezker Anitza-Equo) batzarkide-taldeak ponentzia bat sortzea eskatzen du Ingurumen eta Hirigintza Batzordean, Grupo OTUAko hainbat enpresa Goiain industrialdean eta Urrunaga eta Goiain kontzejuen inguruan sortzen ari diren ingurumen-kutsadura arazoez aritzeko, bai eta arazo horiei irtenbide bat emateko ere.