null Mahaiak gaur goizeko bileran aztertutako gaiak

Mahaiak gaur goizeko bileran aztertutako gaiak

Mahaikideen bilera
2022 urr. 11

Arabako Batzar Nagusien Mahaiak, Pedro Elosegi jauna buru duela, bilera egin du gaur goizean, eta gai hauek landu ditu, besteak beste:

MOZIOAK

Euskal Y-aren eta Iruñearen arteko konexioa.- Interpelazioaren ondoriozko mozioa, Arabako Popularrak batzarkide-taldeak aurkeztua, Euskal Y-aren eta Iruñearen arteko konexioari buruzkoa.

2017ko erreforma fiskalaren balorazioa.- Interpelazioaren ondoriozko mozioa, EH Bildu batzarkide-taldeak aurkeztua, 2017ko erreforma fiskalaren gaineko balorazio bat egiteko premiaren eta Arabako erakundeei gihar ekonomikoa bermatuko dien erreforma fiskal berri baten premiaren ingurukoa.

Negoziazio kolektiboa.- Interpelazioaren ondoriozko mozioa, Elkarrekin Araba (Podemos-Ezker Anitza-Equo) batzarkide-taldeak aurkeztua, negoziazio kolektiboa babestekoa.

Elikagaien eta oinarrizko produktuen prezioen igoeraren eragina.- Interpelazioaren ondoriozko mozioa, Elkarrekin Araba (Podemos-Ezker Anitza-Equo) batzarkide-taldeak aurkeztua, elikagaien eta oinarrizko produktuen prezioen igoerak Arabako familia askoren ekonomiari sortu dien eraginari aurre egitekoa.

Oyón-Oiongo egoitzako erizaintzako langileak.- Osoko bilkuran eztabaidatzeko mozioa, EH Bildu batzarkide-taldeak aurkeztua, Foru Aldundiari eskatzeko Oyón-Oiongo egoitzako erizaintzako laguntzaileen kopurua presako eran handitu dezala.

AGERRALDIAK

Aurrekontuen foru-arau orokorraren proiektua.- Agerraldi-eskaerak, EH Bildu eta Arabako Popularrak batzarkide-taldeek aurkeztuak, Ogasun, Finantza eta Aurrekontu Saileko foru-diputatuak agerraldia egin dezan, aurrekontuen foru-arau orokorraren proiektuaren berri emateko.

Finantzen Euskal Kontseiluaren bilera.- Diputatu Nagusiaren agerraldia, informazio-saioan, Ogasun, Finantza eta Aurrekontu Saileko foru-diputatuaren laguntzarekin batera, Finantzen Euskal Kontseiluak urriko lehen hamabostaldian egingo duen bilkuran aztertuko diren gaien berri emateko.

Kulturaren Plan Estrategikoa.- Kultura eta Kirol Saileko foru-diputatuaren agerraldia, informazio-saioan, Kulturaren Plan Estrategikoaren azken memoriaren  eta Arabako Kulturarako ibilbide-orriaren berri emateko.

Vitoria-Gasteiz eta Bilbo arteko bidaiariak garraiatzeko zerbitzu bateratuaren aurreproiektua.- Bide-azpiegiturak eta Mugikortasun Saileko foru-diputatuaren agerraldia, informazio-saioan,  A-3700 Bilbao - Vitoria-Gasteiz errepide bidezko bidaiarien garraio publiko erregularraren zerbitzu bateratuari buruzko aurreproiektuaren berri emateko.

Indesako enpresa-batzordearen idazkia.- Agerraldi-eskakizuna, EH Bildu eta Elkarrekin Araba (Podemos-Ezker Anitza-Equo) batzarkide-taldeek eskatua, Gizarte Politiken Saileko foru-diputatuak eta INDESAko zuzendari-kudeatzaileak agerraldia egin dezaten, Indesako enpresa-batzordearen barruko zenbait sindikatuk Diputatu Nagusiari bidalitako dokumentua baloratzeko, non zentro horretako zuzendaritza bertan behera uztea exijitzen duten, besteak beste.

Azazetako haize-parkearen gaineko txostena.- Agerraldi-eskaera, EH Bildu batzarkide-taldeak eskatua, Diputatu Nagusiak Ingurumen eta Hirigintza Batzordean agerraldia egin dezan, Ingurumen Jasangarritasunaren Zerbitzuak eta Natur Ondarearen Zerbitzuak Azazetako haize-parkearen ingurumen inpaktuaren txostenaren adendari buruz egindako txostena baloratzeko.

Agerraldi-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, Diputatu Nagusiak agerraldia egin dezan, Azazetako haize-parkearen proiektuaren inguruan egin dituen adierazpen publikoen eta Foru Aldundiaren txostenetan azaldutako errealitatearen artean dagoen alde erraldoia azaltzeko.

GALDERAK

Eskola-garraioa Valdegovía/Gaubeako gazteentzat.- Idatziz erantzuteko galdera, EH Bildu batzarkide-taldeak aurkeztua, Diputatu Nagusiari zuzendua, Valdegovía/Gaubeako familiak hainbat urtetan izaten ari diren arazoari buruzkoa, 16 urte baino gehiagoko gazteak Vitoria-Gasteizera etortzeko eskola-garraioari dagokionez.

Maroñoko urtegiaren inguruko berrikuntza-lanak.- Idatziz erantzuteko galdera, EH Bildu batzarkide-taldeak aurkeztua, Diputatu Nagusiari zuzendua, Nerbioiko Parke Linealeko obrei eta Maroñoko urtegiaren inguruko berrikuntza-lanei buruzkoa.

Desgaitasunerako laguntzen deialdia.- Idatziz erantzuteko galdera, EH Bildu batzarkide-taldeak aurkeztua, Gizarte Politiken Saileko foru-diputatuari zuzendua, desgaitasun-egoera onartua duten pertsonei eta garapenaren nahasmendua duten 0 eta 6 urte arteko adingabeei zuzendutako banako laguntza ekonomikoak eskatzeko deialdia joan den irailaren 15ean itxi izanaren gainekoa.

Garbigune berria Guardian.- Idatziz erantzuteko galdera, EH Bildu batzarkide-taldeak aurkeztua, Ingurumen eta Hirigintza Saileko foru-diputatuari zuzendua, Guardiako garbigune berriaren gainekoa.

Hondakinen tratamendurako instalazio berriak.- Idatziz erantzuteko galdera, EH Bildu batzarkide-taldeak aurkeztua, Ingurumen eta Hirigintza Saileko foru-diputatuari zuzendua, hondakinen tratamendurako instalazio berrien gainekoa.

Menpekotasun-prestazioak.- Idatziz erantzuteko galdera, EH Bildu batzarkide-taldeak aurkeztua, Gizarte Politiken Saileko foru-diputatuari zuzendua, menpekotasun-prestazioen ingurukoa.

INFORMAZIO-ESKAERAK

Suhiltzaileen gaineko dokumentazioa.- Informazio-eskaera, EH Bildu batzarkide-taldeak aurkeztua, Lurralde Oreka Saileko foru-diputatuari zuzendua, Arabako Suhiltzaileak Foru Erakundearekin eta Lurralde Oreka Sailarekin lotutako hainbat dokumentu eskatzeko.

Urbide Ur Partzuergoaren zerbitzuen kostua.- Informazio-eskaera, EH Bildu batzarkide-taldeak aurkeztua, Ingurumen eta Hirigintza Saileko foru-diputatuari zuzendua, Arabako Ur Partzuergoa – Urbideren zerbitzuen kostu efektiboaren gainekoa.

Ur-hornikuntza behar izan duten erakundeak.- Informazio-eskaera, Arabako Popularrak batzarkide-taldeak aurkeztua, Arabako Foru Aldundiari zuzendua, 2022ko martxoan, apirilean, maiatzean, ekainean, uztailean, abuztuan eta irailean zehar ur-hornikuntza behar izan duten ALHko erakundeen kopurua eskatzeko.

Ebro ibaia KBEri eragin dion Iberdrola Proiektua.- Informazio-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, Nekazaritza Saileko foru-diputatuari zuzendua, linea mistoaren proiektuari buruzkoa, zeinaren sustatzailea Iberdrola Distribución Eléctrica S.A.U. baita eta Ebro ibaia KBEko zuhaiztiari eragin baitio.

Etxebidea Plan Zuzentzailea.- Informazio-eskaera, Arabako Popularrak batzarkide-taldeak aurkeztua, Gizarte Politiken Saileko foru-diputatuari zuzendua, Etxebidea Plan Zuzentzailearen ingurukoa.

BESTELAKO GAIAK

Arabako Foru Aldundiaren jakinarazpena: 367/2022 Foru Dekretua, urriaren 6koa, zeinaren bidez beste hau aldatzen baita: 325/2019 Foru Dekretua, Diputatu Nagusiarena, uztailaren 5ekoa, 2019-2023 legegintzaldirako foru-diputatuak izendatzekoa.