null Mahaiak gaur goizeko bileran aztertutako gaiak

Mahaiak gaur goizeko bileran aztertutako gaiak

Mahaikideen bilera
2022 urr. 04

Arabako Batzar Nagusien Mahaiak, Pedro Elosegi jauna buru duela, bilera egin du gaur goizean, eta gai hauek landu ditu, besteak beste:

FORU ARAUA

Aurrekontuen foru-arau orokorra.- Arabako Foru Aldundiak aurrekontuen foru-arau orokorraren proiektua aurkeztu du.

MOZIOAK

Bazterketa-egoera larrian dauden pertsonentzako arreta.- Osoko bilkuran eztabaidatzeko mozioa, EH Bildu batzarkide-taldeak aurkeztua, Arabako Foru Aldundiari hainbat baliabide sor ditzala eskatzeko gizarte-bazterketa egoera larrian dauden pertsonei arreta emateko.

Sexu-abusuen biktima adingabeentzako kalte-ordainak.- Osoko bilkuran eztabaidatzeko mozioa, Arabako Popularrak batzarkide-taldeak aurkeztua, Foru Aldundiak Sansoheta kasuan sexu-abusuen biktimak izan ziren adingabeei kalteak ordaintzea eskatzeko, haren ardurapekoak baitziren.

Uraren erakunde kudeatzaileei laguntzea.- Osoko bilkuran eztabaidatzeko mozioa, Arabako Popularrak batzarkide-taldeak aurkeztua, Arabako Foru Aldundiak uraren erakunde kudeatzaileei laguntza gehiago ematea eskatzeko.

Uraren kanona salbuestea ureztatzaileen elkarteei.- Osoko bilkuran eztabaidatzeko mozioa, Arabako Popularrak batzarkide-taldeak aurkeztua, Arabako ureztatzaileen elkarteei, Arabako nekazaritza eta abeltzaintza sektoreari eta Arabako tokiko erakundeei uraren kanona salbuesteko.

AGERRALDIAK

Desgaitasuna duten pertsonentzako zentroa Laudio / Llodion.- Agerraldi-eskaera, EH Bildu batzarkide-taldeak aurkeztua, Gizarte Politiketako foru-diputatuak agerraldia egin dezan, Laudio / Llodion adimen-desgaitasuna duten pertsonei arreta ematen dien egoitzaren eta eguneko zentroaren berri emateko.

Ozono-balioen gainditzea Valderejon.- Agerraldi-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, Ingurumen eta Hirigintzako foru-diputatuak agerraldia egin dezan, ingurumen-legedia sistematikoki bete ez izanaren aurrean zer jarrera duen ezagutzeko, Valderejoko parke naturalean kokatutako estazioaren osasuna eta landaredia babesteko neurtzen diren ozonoaren helburuko balioak gainditzeari dagokionez.

Justizia sozialerako eta eraginkortasun ekonomikorako neurri fiskalak.- Agerraldi-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, Diputatu Nagusiak eta Ogasun, Finantza eta Aurrekontuen foru-diputatuak Ogasun, Finantza eta Aurrekontuen Batzordean agerraldia egin dezaten, justizia sozialean eta efizientzia ekonomikoan eragingo duten neurri fiskalen paketearen inguruan zer balorazio egiten duten ezagutzeko.

Genero Indarkeriaren Emakume Erresilienteen Kontseilu Nazionala.- Agerraldi-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, Genero Indarkeriaren Emakume Erresilienteen Kontseilu Nazionalaren Federazioko ordezkariek Gizarte Ongizateko Batzordean agerraldia egin dezaten, guraso lerrokatzearen sindromearen eraginpeko Arabako emakumeen egoera ezagutzeko.

Araba Garapen Agentziaren zuzendari kudeatzailea.- Agerraldi-eskaera, Arabako Popularrak batzarkide-taldeak aurkeztua, Araba Garapen Agentziaren zuzendari kudeatzaileak Ingurumen eta Hirigintza Batzordean agerraldia egin dezan, Urrunagako auzokoak Goiain industrialdearen inguruko industria-jarduerekin izaten ari diren arazoen berri emateko.

Stop Violencia de Género Digital elkartea.- Agerraldi-eskaera, Elkarrekin Araba (Podemos-Ezker Anitza-Equo) batzarkide-taldeak aurkeztua, Stop Violencia de Género Digital elkarteak Lehendakaritza, Euskara, Berdintasuna, Lankidetza eta Giza Eskubideen Batzordean agerraldia egin dezan, genero-indarkeria digitalaren eta ziberjazarpenaren emakume biktimen egoera ezagutzeko.

Autismo Araba Elkartea.- Agerraldi-eskaera, Arabako Popularrak batzarkide-taldeak aurkeztua, Autismo Araba Elkarteak Gizarte Ongizate Batzordean agerraldia egin dezan, burutzen dituen programak eta autismoaren Arabako egoera azaltzeko.

Zuia eta Urkabustaizko alkateak.- Agerraldi-eskaera, EH Bildu batzarkide-taldeak eskatua, Zuia eta Urkabustaizko alkateek Ingurumen eta Hirigintza Batzordean agerraldia egin dezaten, lehortearen ondorioz beren udalerrietan sortutako arazoen aurrean hartu beharreko neurriak azaltzeko.

GALDERAK

Indesa 2010.- Idatziz erantzuteko galdera, Gizarte Politiketako foru-diputatuari zuzendua, EH Bildu batzarkide-taldeak aurkeztua, Indesa 2010-i buruzkoa.

Pinu-beldarraren izurritea.- Idatziz erantzuteko galderak, Nekazaritzako foru-diputatuari zuzenduak, Elkarrekin Araba (Podemos-Ezker Anitza-Equo) batzarkide-taldeak aurkeztuak, Araban pinu-beldarraren izurrite adierazpena egitea erabakitzeko eta aire-fumigazioaren bidez 561 hektareatan jarduteko.

Kristo gurutziltzatuaren eskultura Vitoria-Gasteizko katedralerako.- Idatziz erantzuteko galdera, Diputatu Nagusiari zuzendua, EH Bildu batzarkide-taldeak aurkeztua, Vitoria-Gasteizko Katedral Berriko Kristo gurutziltzatuaren eskulturaren gainekoa.

Abereak garraiatzeko laguntzak.- Idatziz erantzuteko galdera, Nekazaritzako foru-diputatuari zuzendua, Arabako Popularrak batzarkide-taldeak aurkeztua, Laudio / Llodioko hiltegia ixtearen ondorioz abereen garraioari emandako laguntzei buruzkoa.

INFORMAZIO-ESKAERAK

Arreta pertsona nagusiei.- Informazio-eskaera, Gizarte Politiketako foru-diputatuari zuzendua, EH Bildu batzarkide-taldeak aurkeztua, pertsona nagusiei ematen zaien arretari buruzko datuak eskatzeko, 2022ko irailaren 30era artekoak.

Udal-zergen ikuskaritza.- Informazio-eskaera, Ogasun, Finantza eta Aurrekontuen foru-diputatuari zuzendua, EH Bildu batzarkide-taldeak aurkeztua, udal-zergen ikuskaritzaren ingurukoa.

Kalkulu Gunearen kontratu txikiak.- Informazio-eskaera, bigarren diputatu nagusiorde eta Enplegu, Merkataritza eta Turismo Sustapena eta Foru Administrazio Saileko foru-diputatuari zuzendua, Arabako Popularrak batzarkide-taldeak aurkeztua, Arabako Kalkulu Gunea, A.B.-ren kontratu txikien ingurukoa.

Gazteriaren Foru Erakundearen kontratu txikiak.- Informazio-eskaera, Kultura eta Kiroleko foru-diputatuari zuzendua, EH Bildu batzarkide-taldeak aurkeztua, Gazteriaren Foru Erakundearen kontratu txikien ingurukoa.

Lanak saneamenduan edo ur-horniduran.- Informazio-eskaera, Ingurumen eta Hirigintzako foru-diputatuari zuzendua, Arabako Popularrak batzarkide-taldeak aurkeztua, AFAk ALHn 2016. urtetik gaurko egunera arte saneamenduko eta ur-hornidurako azpiegituretan betearazitako edo gauzatutako lanen ingurukoa.

Lanak bide-azpiegituretan.- Informazio-eskaera, Bide Azpiegituren eta Mugikortasunaren Sailari zuzendua, Arabako Popularrak batzarkide-taldeak aurkeztua, Arabako Foru Aldundiak ALHn 2017. urtetik gaurko egunera arte bide-azpiegituretan betearazitako edo gauzatutako lanen ingurukoa.

Landa eremuko merkataritza bultzatzeko plana.- Informazio-eskaera, bigarren diputatu nagusiorde eta Enplegu, Merkataritza eta Turismo Sustapena eta Foru Administrazio Saileko foru-diputatuari zuzendua, Arabako Popularrak batzarkide-taldeak aurkeztua, Arabako landa eremuko merkataritza bultzatzeko Planaren kopia eskatzeko.

Vitoria-Gasteiz Gastronomiaren Hiriburu Berdea proiektua.- Informazio-eskaera, bigarren diputatu nagusiorde eta Enplegu, Merkataritza eta Turismo Sustapena eta Foru Administrazio Saileko foru-diputatuari zuzendua, Arabako Popularrak batzarkide-taldeak aurkeztua, “Vitoria-Gasteiz Gastronomiaren Hiriburu Berdea. Idiazabal Enea Proiektua”-ren kopia eskatzeko.

Eskualdeko turismo jasangarritasunaren, enoturismo eta gastronomia jasangarriaren plana.- Informazio-eskaera, bigarren diputatu nagusiorde eta Enplegu, Merkataritza eta Turismo Sustapena eta Foru Administrazio Saileko foru-diputatuari zuzendua, Arabako Popularrak batzarkide-taldeak aurkeztua, Arabako Errioxaren garapena bultzatuko duen Eskualdeko turismo jasangarritasunaren, enoturismo eta gastronomia jasangarriaren planaren kopia eskatzeko.