null Mahaiak gaur goizeko bileran aztertutako gaiak

Mahaiak gaur goizeko bileran aztertutako gaiak

Mahaikideen bilera
2022 uzt. 05

Arabako Batzar Nagusien Mahaiak, Pedro Elosegi jauna buru duela, bilera egin du gaur goizean, eta gai hauek landu ditu, besteak beste:

FORU-ARAUAK

TEFFFa arautzea.- Arabako Foru Aldundiaren aurkako irizpidea, Arabako Toki Erakundeak Finantzatzeko Foru Funtsa arautzen duen ekainaren 30eko 19/1997 Foru Araua aldatzeko foru-arau proposamena aintzat hartzeari dagokionez.

Kontu Orokorra- 2021. ekitaldiari dagokion Arabako Lurralde Historikoaren Kontu Orokorra onesteko foru-arau proiektua.

MOZIOA

Ganaltoko Gurutzea.- Mozioa, osoko bilkuran eztabaidatzekoa, Arabako Popularrak batzarkide-taldeak aurkeztua, Ganaltoko Gurutzearen aurkako sabotajea gaitzestekoa eta gurutzea itzultzea eskatzekoa.

Bono Busa bultzatzea.- Mozioa, Bide Azpiegituren eta Mugikortasunaren Batzordean eztabaidatzekoa, Elkarrekin Araba (Podemos-Ezker Anitza-Equo) batzarkide-taldeak aurkeztua, Bono Bus Araba lurralde historiko osoko eta hiriburuko garraio publiko guztietan  bultzatzekoa.

Trenbide-zerbitzu berriak.- Mozioa, osoko bilkuran eztabaidatzekoa, Elkarrekin Araba (Podemos-Ezker Anitza-Equo) batzarkide-taldeak aurkeztua, Euskadiren, gainontzeko Iberiar penintsularen eta Frantziaren artean ibilbide luzeko trenbide-zerbitzu berriak ezartzekoa.

GALDERAK

Agroseguroren proposamena Arabako Errioxarentzat.- Batzordean erantzuteko galdera, Nekazaritzako foru-diputatuari zuzendua, Arabako Popularrak batzarkide-taldeak aurkeztua, Agrosegurok Arabako Errioxarako egin duen proposamenaren berri eman dezan.

Bilera basozain batekin.- Idatziz erantzuteko galdera, Nekazaritzako foru-diputatuari zuzendua, Elkarrekin Araba (Podemos-Ezker Anitza-Equo) batzarkide-taldeak aurkeztua, Arabako Foru Aldundiko parkeen 3. zenbakidun basozainarekin izandako bilerari buruzkoa.

Suteak prebenitzeko plana.- Idatziz erantzuteko galdera, Lurralde Orekako foru-diputatuari zuzendua, EH Bildu batzarkide-taldeak aurkeztua, suteak prebenitzeko planari buruzkoa.

Bizikleta lanera joateko garraiobide gisa.- Idatziz erantzuteko galdera, Arabako Foru Aldundiari zuzendua, Arabako Popularrak batzarkide-taldeak aurkeztua, lanera joateko garraiobide gisa bizikleta erabiltzeko programari eta ibilgailu elektrikoen birkarga-puntuak instalatzen inbertitzen duten enpresen Sozietateen gaineko Zergarako kenkari-programari buruzkoa.

Abeltzaintzaren eraldaketa jasangarria.- Idatziz erantzuteko galdera, Nekazaritzako foru-diputatuari zuzendua, Arabako Popularrak batzarkide-taldeak aurkeztua, familia-abeltzaintzaren eta abeltzaintza kooperatiboaren eraldaketa jasangarriaren proiektuari buruzkoa.

Bizikletak AFAko ibilgailuen parkean sartzea.- Idatziz erantzuteko galdera, bigarren diputatu nagusiorde eta Enplegu, Merkataritza eta Turismo Sustapena eta Foru Administrazio Saileko foru-diputatuari zuzendua, Arabako Popularrak batzarkide-taldeak aurkeztua, Arabako Foru Aldundiaren ibilgailu-parkean bizikleta elektrikoak sartzeari buruzkoa.

INFORMAZIO-ESKAERAK

Europako laguntzak udalentzat.- Informazio-eskaera, Arabako Foru Aldundiari zuzendua, Arabako Popularrak batzarkide-taldeak aurkeztua, Arabako udalentzako Europako laguntzei buruzkoa.

Energia berriztagarrien proiektuen instalazioa.- Informazio-eskaera, Arabako Foru Aldundiari zuzendua, Arabako Popularrak batzarkide-taldeak aurkeztua, toki-erakundeetan energia berriztagarrien proiektuak instalatzeari buruzko uztailaren 16ko 70/2021 Mozioaren 3. puntuaren betetze mailari buruzkoa.