kontaktatu | informazio eskaera | GUNE PRIBATUA | loturak | gunearen mapa eu | es |
Hemen zaude: Hasiera > Gaurkotasuna > Berriak >

  • En directo
  • Mediateca
  • Histórico de vídeos
  • Expedientes
  • Relación con la ciudadanía
  • Transparencia

2020-05-26 - Mahaikideen bileraimagen

Arabako Batzar Nagusietako Mahaia gaur arratsaldean bildu da era telematikoan Pedro Elosegi jauna buru dela, eta honako gai hauek jorratu ditu, besteak beste:  

MOZIOAK

Egoitza-bazterketan dauden pertsonei.- Elkarrekin Araba (Podemos-Ezker Anitza-Equo) Batzarkide Taldeak Gizarte Ongizate Batzordean eztabaidatzeko mozioa aurkeztu du, Alarma Egoera eta haren ondoriozko konfinamendua bukatuta COVID-19k eragindako krisiaren aurretik ere etxebizitza-esklusio egoeran zeuden pertsonentzako arreta mantentzeari buruz. Eskatzen da presako prozeduraz izapidetzeko.

Denda eta establezimenduei banku-komisioak kentzea.- EH Bildu Batzarkide Taldeak mozio bat aurkeztu du kreditu txartelen erabiltzeagatik bankuek merkataritza eta zerbitzuetako establezimenduei kobratzen dizkieten komisioak kentzeari buruz. Eskatzen da presako prozeduraz izapidetzea.

Neurriak eguneko zentroko zerbitzuan.- EH Bildu Batzarkide Taldeak osoko bilkuran eztabaidatzeko mozioa aurkeztu du, Arabako Foru Aldundiari eskatzeko neurriak har ditzala eguneko zentroko zerbitzua emateri dagokionez. Presako prozeduraz izapidetuko da.

AGERRALDIAK

Eusko Legebiltzarrerako hauteskundeak.- Elkarrekin Araba (Podemos-Ezker Anitza-Equo) Batzarkide Taldeak Arabako diputatu nagusiaren presako agerraldia eskatu du, Lehendakaritza, Euskara, Berdintasuna eta Giza Eskubideen Batzordearen aurrean, bere balorazioa eman dezan euskal hauteskundeak konbokatzeko aukerari buruz, bai eta, kasu horretan, Arabako Foru Aldundiak egingo lukeen kudeaketaz.

Tokiko elikagai osasungarria Aldundiaren jantokietan.- Arabako Popularrak Batzarkide Taldeak Nekazaritza Saileko foru diputatuaren agerraldia eskatu du, zehatz-mehatz informatu dezan 2017ko ekainetik Aldundiaren jantokietan tokiko elikagai osasungarri eta ekologikoak egon daitezen garatutako ekintzei buruz.

Laguntzak enpresa txiki eta ertainentzat eta langile autonomoentzat.- Arabako Popularrak Batzarkide Taldeak Enplegu, Merkataritza, eta Turismo Sustapenaren eta Foru Administrazioaren Saileko foru diputatuaren agerraldia eskatu du, informazioa eman dezan Arabako enpresa txiki eta ertainei eta langile autonomoei COVID-19ren ondorioz telelana ezartzeko egindako gastuetan laguntzeko abian jarri diren laguntze buruz.

INTERPELACIONES

Adinekoen egoitzak.-  Arabako Popularrak Batzarkide Taldeak interpelazioa aurkeztu du, Gizarte Politiken Saileko foru diputatuari zuzendua, azaldu dezan zergatik gertatu den kolapsoa adinekoen egoitzan COVID-19ren krisiak iraun bitartean, eta jakiteko asmorik duen Eusko Jaurlaritzari ekarpen eta koordinazio handiagoa eskatzeko arlo finantzario eta soziosanitarioan.

Errioxa JIKko Kontseilu Erregulatzailea.- Arabako Popularrak Batzarkide Taldeak interpelazioa aurkeztu du, Nekazaritza Saileko foru diputatuari zuzendua, azaldu dezan erantzungo ote dien Errioxa JIKren Kontseilu Erregulatzaileak egindako proposamenei eta kofinantzatuko ote dituen bere eskumenetan diren neurriak.

GALDERAK

Erreforma fiskala.- Elkarrekin Araba (Podemos-Ezker Anitza-Equo) Batzarkide Taldeak osoko bilkuran erantzuteko galdera aurkeztu du, Ogasun, Finantza eta Aurrekontu Saileko foru diputatuari zuzendua, jakiteko zer asmo dituen Foru Aldundiak COVID-19k eragindako krisi, sanitario, ekonomiko eta sozialari diru-sarrera nahikoarekin aurre egitea ahalbidetuko den erreforma fiskal bat egitearen inguruan.

Neurketak HUAetan.- Elkarrekin Araba (Podemos-Ezker Anitza-Equo) Batzarkide Taldeak osoko bilkuran erantzuteko galdera aurkeztu du, Ingurumen eta Hirigintza Saileko foru diputatuari zuzendua, Arabako Lurralde Historikoko HUAetan COVID-19 antzemateko neurketak egiteari buruz.

Etxerik gabeko pertsona eta familien egoera.- Elkarrekin Araba (Podemos-Ezker Anitza-Equo) Batzarkide Taldeak osoko bilkuran erantzuteko galdera aurkeztu du, Gizarte Politiken Saileko foru diputatuari zuzendua, azaltzeko etxerik gabeko pertsonek eta familiek COVID-19ren pandemiak eragindako emergentzia sanitarioak iraun bitartean Arabako Lurralde Historikoan izandako egoera.

COVID19ren eraginaren balorazioa.- Arabako Popularrak Batzarkide Taldeak osoko bilkuran erantzuteko galdera aurkeztu du, Arabako diputatu nagusiari zuzendua, azaldu dezan nola baloratzen dituen eta zeintzuk izan diren Arabak COVID-19ren pandemia dela-eta inzidentzia-daturik txarrenak izatearen arrazoiak.

Autonomoentzako laguntzen ordainketa.- Arabako Popularrak Batzarkide Taldeak osoko bilkuran erantzuteko galdera aurkeztu du, Lurralde Orekaren Saileko foru diputatuari zuzendua, azaldu ditzan 1.000 beherako udalerrietan autonomoentzako laguntzen ordainketan izandako atzerapena.

SEPEren ordainketen atzerapenen balorazioa.- Arabako Popularrak Batzarkide Taldeak osoko bilkuran erantzuteko galdera aurkeztu du, Enplegu, Merkataritza, eta Turismo Sustapenaren eta Foru Administrazioaren Saileko foru diputatuari zuzendua, azaldu dezan nola baloratzen duen eta neurririk hartu duen EEABE batek kaltetutako pertsonei prestazioak ordaintzean SEPEk izandako atzerapenei buruz.

Ekonomia biziberritzeko plana.- Arabako Popularrak Batzarkide Taldeak osoko bilkuran erantzuteko galdera aurkeztu du, lehen diputatu nagusiorde eta Garapen Ekonomiko, Berrikuntza eta Demografia Erronkaren Saileko foru diputatuari zuzendua, azaldu dezan zergatik Arabako Foru Aldundiak ez duen oraindik proposatu edo onetsi ekonomia suspertzeko neurrien plan edo multzo bat.

Doikuntzak aurrekontuan.- Arabako Popularrak Batzarkide Taldeak osoko bilkuran erantzuteko galdera aurkeztu du, diputatu nagusiari zuzendua, Arabako Foru Aldundiaren aurrekontuan beharrezkoak izango diren doikuntzei buruz.

Diru-laguntzen deialdia gazteen udako jardueretarako.- EH Bildu Batzarkide Taldeak idatziz erantzuteko galdera aurkeztu du, Kultura eta Kirol Saileko foru diputatuari zuzendua, COVID-19 krisiaren aurrean Gazte Foru Erakundeak Arabako elkarte desberdinei eskaintzen dien kanpamendu, udaleku, martxa ibiltariak eta auzolandegietarako 2020 diru-laguntzen deialdiarekin zer gertatuko den jakiteko.

Energia fotovoltaikoko plantaren instalazioa.-  Arabako Popularrak Batzarkide Taldeak idatziz erantzuteko galdera aurkeztu du, Nekazaritza Saileko foru diputatuari zuzendua, Arrato Ureztatzaileen Komunitatea: energia fotovoltaikoko plantaren instalazio izeneko partidari buruz.

Erremolatxaren kanpainak.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, 2019-2020 eta 2020-2021 erremolatxa-kanpainei buruz.

Pataten laborantzaren azalera.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, 2019ko kanpainan Araban ereindako patata-azalerari buruz.

Basurdeak laborantzetan eragiten ari diren kalteak.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari, Vitoria-Gasteiz eta Arrazua Ubarrundia udalerrietako nekazariak patata eta erremolatxa ereiteko basurdeen presentziagatik izaten ari diren kalteei buruz.

INFORMAZIO-ESKAERAK

Udalerri bakoitzean landatutako lur-azalera.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, jakiteko 2016, 2017, 2018 eta 2019an zenbat lur-azalera bideratu den laborantzara eta nola banatu den udalerrien arabera.

Nekazaritza makinei udalerriaren arabera.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, Nekazaritza Saileko foru diputatuari zuzendua, eskatzeko 2019ko nekazaritza-makineriaren zenbakia, Aldundiaren erregistroan jaso bezala, udalerriaren arabera.

Diru-laguntzak nekazaritza-makinerian inbertsioak egiteko.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, makineria batera erabiltzeko kooperatibek eta sozietateek 2016, 2017, 2018 eta 2019an egindako inbertsioetarako diru-laguntzei buruz.

Bideen ikuskapenak tokiko entitateetan.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, eskatzeko 2019an Arabako toki entitateetan egindako bide-ikuskapenen zerrenda.

Jarduketa-protokoloa lehorte sasoietan.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, eskatzeko Arabako lurraldean lehortea izanez gero aplikatu beharreko jarduketa-protokoloaren kopia eta horri Nekazaritza Sailak egin zizkion ekarpenen kopia.

Aseguruak kontratatzeko laguntzak.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, eskatzeko Nekazaritza Sailak 2018 eta 2019k ekitaldietako abeltzaintza-aseguruen kontratazioa sustatzeko partidaren babesean emandako laguntzen zerrenda.

Orbisoko eguzki-planta.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, Orbisoko ureztatzaileen komunitateari eta kontzejuari ura hornitzen dien Orbison jarritako eguzki-plantari buruz.

BISITAK

Eskalmendiko nekazaritza eta abeltzaintza laborategia.-  Arabako Popularrak Batzarkide Taldeak Nekazaritza Batzordeari eskatu dio Eskalmendiko nekazaritza eta abeltzaintza laborategira bisita egiteko, bertan egiten diren lanak ezagutze aldera eta COVID-19ren aurka osasun-aginteekin duen ekarpen-lankidetzaren berri izateko.

 

 

 

© Arabako Batzar Nagusiak 2010 Vicente Goicoechea kalea, 2 01008 Vitoria-Gasteiz Tel.: 945 125 103
Irisgarritasuna- Legezko abisua- Datuen babesa-