kontaktatu | informazio eskaera | GUNE PRIBATUA | loturak | gunearen mapa eu | es |
Hemen zaude: Hasiera > Gaurkotasuna > Berriak >

  • En directo
  • Mediateca
  • Histórico de vídeos
  • Expedientes
  • Relación con la ciudadanía
  • Transparencia

2019-11-12 - Mahaikideen bileraimagen

Arabako Batzar Nagusietako Mahaia gaur goizean bildu da Pedro Elosegi jauna buru dela, eta honako gai hauek jorratu ditu, besteak beste:  

MOZIOAK

Lantarongo isurpen kutsagarriak.- EH Bildu Batzarkide Taldeak interpelazioaren ondoriozko mozioa aurkeztu du, GEQUISA enpresaren isurpen kutsagarriek Lantarongo udalerriko lurrazpiko urei eta nekazaritza-lursail mugakideei egiten dieten erasanaren inguruan.

Laguntzak tokiko erakundeei.- EH Bildu Batzarkide Taldeak interpelazioaren ondoriozko mozio bat aurkeztu du, Tokiko Erakundeei laguntzeko zenbait deialdi arautzearen inguruan.

Anbulantzia medikalizatuak.- Arabako Popularrak Batzarkide Taldeak mozio bat aurkeztu du, osoko bilkuran eztabaidatzekoa, Araban anbulantzia medikalizatu gehiago ezartzeko premiaren inguruan.

PAC Osakidetza.- Elkarrekin Araba (Podemos-Ezker Anitza-Equo) Batzarkide Taldeak mozio bat aurkeztu du azaroko Osoko Bilkura Tradizionalean eztabaidatzeko, Osakidetzak Vitoria-Gasteizen dituen Etengabeko Arreta Guneen funtzionamendurako arazoen gainean.

Herrietan enplegua sustatzeko laguntzak.- Mozioa, Arabako Popularrak Batzarkide Taldeak aurkeztua, azaroko Osoko Bilkura Tradizionalean eztabaidatzekoa, gure herrietan enplegua sustatzeko eta biztanleak finkatzeko laguntzen inguruan.

Emakumeenganako indarkeria.- EAJ-PNV eta Euskal Sozialistak Batzarkide Taldeek mozio bat aurkeztu dute, azaroko Osoko Bilkura Tradizionalean eztabaidatzekoa, emakumeenganako indarkeriaren aurkako jarduketen inguruan. Presako prozeduraz izapidetuko da.

AGERRALDIAK

Otsoa.- Nekazaritza Saileko eta Ingurumen eta Hirigintza Saileko foru-diputatuek 2019ko azaroaren 21erako aurreikusi den Nekazaritza Batzordean agerraldia elkarrekin egitea eskatu dute,  11/C/11/0000395 espedientearen agerraldia 11/C/110000382 espedientearen agerraldiarekin batera egin dadin, agerraldi biek otsoaren gaineko gaiak lantzen dituztelako.

Ehiza.- EH Bildu Batzarkide Taldeak Nekazaritza Saileko foru-diputatuak agerraldia egitea eskatu du, ehizaren gaineko 306/2019 Foru Aginduko munizioaren atalean egindako aldaketak azaldu ditzan.

Pablo Neruda Egoitza.- EH Bildu eta Elkarrekin Araba (Podemos-Ezker Anitza-Equo) Batzarkide Taldeek agerraldi-eskaera egin dute, Pablo Neruda Egoitzako artekari sindikalak eta LAB sindikatuko ordezkariak Gizarte Ongizatearen Batzordearen aurrean agerraldia egin dezaten, haien emakume langileek bizi duten lan-egoeraren berri emateko.

INTERPELAZIOA

A-624 zeharbidea.- Elkarrekin Araba (Podemos-Ezker Anitza-Equo) Batzarkide Taldeak interpelazio bat aurkeztu du, Bide Azpiegituren eta Mugikortasunaren foru diputatuari zuzendua, Artziniegako Museo Etnografikoa eta Arteko Ama Birjinaren Santutegirantz doan oinezkoentzako espaloi-ibilbidea lotzen dituen A-624 zeharbide-zatiaren egoera gatazkatsuaren gainean.

GALDERAK

Babesgabetasunean dauden pertsona helduen tutoretza.- Elkarrekin Araba (Podemos-Ezker Anitza-Equo) Batzarkide Taldeak idatziz erantzuteko galdera bat aurkeztu du, Gizarte Politiken Saileko foru-diputatuari zuzendua, Arabako Lurralde Historikoan babesgabetasunean dauden pertsona helduen tutoretzaren gainean.

Landa-lursailak Vitoria-Gasteizko hegoaldean.- EH Bildu Batzarkide Taldeak idatziz erantzuteko galdera bat aurkeztu du, Arabako Diputatu Nagusiari zuzendua, Vitoria-Gasteizko hegoaldeko landa-lursailen inguruan.

Laguntzak seme-alaben jaiotzengatik.- Arabako Popularrak Batzarkide Taldeak idatziz erantzuteko galdera egin du, Ogasun, Finantza eta Aurrekontu Saileko foru diputatuari zuzendua, urtarrilaren 16ko 1/2019 Foru Arauan seme-alaben jaiotzagatik aurreikusitako laguntzen inguruan.

Euskadiko Landa Garapenerako Plana.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru-diputatuari zuzendua, Euskadiko Landa Garapenerako Plan berriaren inguruan.

Basurdeen gaineko lan-mahaia.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, maiatzaren 9ko 31/2018 Mozioan onartutako Lan Mahaiaren inguruan, Arabako basurdeen egoerari eta problematikari buruz.

Indarkeria matxistaren emakume biktimentzako pisuak.- EH Bildu Batzarkide Taldeak idatziz erantzuteko galdera egin du, Gizarte Politiken Saileko foru diputatuari zuzendua, indarkeria matxistaren emakume biktimei arreta emateko pisuen erabilgarritasunaren inguruan.

Gizarte-bazterketa leunari eta larriari arreta ematea.- EH Bildu Batzarkide Taldeak idatziz erantzuteko galdera aurkeztu du, Gizarte Politiken Saileko foru diputatuari zuzendua, gizarte-bazterketa leunari eta larriari arreta emateko lanpostuen inguruan.

Euskal Kultura Ondarearen Legea.- EH Bildu Batzarkide Taldeak idatziz erantzuteko galdera aurkeztu du, Kultura eta Kirol Saileko foru-diputatuari zuzendua, Euskal Kultura Ondareari buruzko 6/2019 Legearen gaineko hainbat konturen inguruan.

Bionor enpresaren isurketak—Arabako Popularrak batzarkide Taldeak idatziz erantzuteko galdera egin du, Nekazaritza Saileko foru diputatuari zuzendua, Bionor enpresak egiten dituen isurketen inguruan.

INFORMAZIO-ESKAERAK

Despopulazio Estrategia.- Elkarrekin Araba (Podemos-Ezker Anitza-Equo) Batzarkide Taldeak informazio-eskaera egin du, lehen diputatu nagusiorde eta Garapen Ekonomiko, Berrikuntza eta Erronka Demografikoaren Saileko foru diputatuari zuzendua, Despopulazio Estrategia izeneko partidaren inguruan.

Aholkularitza teknikoa eta beste hainbat zerbitzu.- Elkarrekin Araba (Podemos-Ezker Anitza-Equo) Batzarkide Taldeak informazio-eskaera egin du, Enplegu, Merkataritza, eta Turismo Sustapenaren eta Foru Administrazioaren Saileko foru diputatuari zuzendua, Aholkularitza Teknikoa eta Beste hainbat Zerbitzu izeneko partidari buruz.

Sustapen eta Nekazaritza Politiken Programa.- Elkarrekin Araba (Podemos-Ezker Anitza-Equo) Batzarkide Taldeak informazio-eskaera egin du, Nekazaritza Saileko foru-diputatuari zuzendua, Sustapen eta Nekazaritza Politiken Programaren hainbat partiden gainean.

Nekazaritzako elikagaien alerten kudeaketa.- Arabako Popularrak Batzarkide Taldeak informazio-eskaera egin du, Nekazaritza Saileko Foru Diputatuari zuzendua, Euskal Autonomia Erkidegoan nekazaritzako elikagaiak kudeatzeko protokoloaren kopia, eta protokolo hori mantentzeko hitzarmenari Foru Aldundiak urtean ematen dion zenbatekoa eskatzeko.

Tokiko elikagai osasungarriak eta ekologikoak jangeletan.- Arabako Popularrak Batzarkide Taldeak informazio-eskaera egin du, Ogasun, Finantza eta Aurrekontu Saileko foru diputatuari zuzendua, Aldundiaren jantokietan tokiko elikagai osasuntsuak eta elikagai ekologikoak sartu izanaren amaierako txostenaren eta ondorioen kopia bat eskatzeko.

© Arabako Batzar Nagusiak 2010 Vicente Goicoechea kalea, 2 01008 Vitoria-Gasteiz Tel.: 945 125 100
Irisgarritasuna- Legezko abisua- Datuen babesa-