kontaktatu | informazio eskaera | GUNE PRIBATUA | loturak | gunearen mapa eu | es |
Hemen zaude: Hasiera > Gaurkotasuna > Berriak >

  • En directo
  • Mediateca
  • Histórico de vídeos
  • Expedientes
  • Relación con la ciudadanía
  • Transparencia

2020-04-07 - Mahaikideen bileraimagen

Arabako Batzar Nagusietako Mahaiak bilera egin du gaur goizean, Pedro Elosegi jauna buru dela, eta honako gai hauek jorratu ditu, besteak beste:  

MOZIOAK

Zahartze aktiboa.- Elkarrekin Araba (Podemos-Ezker Anitza-Equo) batzarkide taldeak mozio bat aurkeztu du osoko bilkuran eztabaidatzeko, helburu duena adinekoen bizi-kalitatea hobetzea zahartze aktibo eta osasungarriaz goza dezaten.

AGERRALDIAK

Barrongo urtegia.- Arabako Popularrak Batzarkide Taldeak agerraldi-errekerimendu bat aurkeztu du, presazko izaerarekin, Nekazaritza Saileko foru-diputatuak agerraldia egin dezan, ACUAESek Barrongo urtegiaren exekuzioari uko egin izanari eta exekuzio horren aurrean dauden beste aukerei buruzko informazioa emateko.

Bidegabeko kobrantzak GOFEn.- EH Bildu Batzarkide Taldeak agerraldi-errekerimendu bat aurkeztu du, Eginaren Eginez elkarteko presidenteak eta Martínez González andreak agerraldia egin dezaten, bidegabeko hainbat kobrantzaren gainean GOFEk bidalitako gutunen berri emateko.

Euskadiko Turismo Legea.- Nekatur elkarteak agerraldia egitea eskatu du, informazio-saioan, Enplegu, Merkataritza eta Turismo Sustapenaren eta Foru Administrazioaren Batzordearen aurrean, Euskadiko Turismo Legearen aldaketak sortzen dien eraginaren berri emateko.

INTERPELAZIOAK

Hitzarmena Miñoien Kidegoarekin.- EH Bildu batzarkide-taldeak interpelazio bat aurkeztu du, Arabako diputatu nagusiari zuzendua, hitzarmen arauemailea ez betetzeko arrazoiei buruz, Miñoien Kidegoak hainbat lan egiteari dagokionez, besteak beste, Batzar Nagusien egoitzan sartzeko zaintza- eta kontrol-lanak.

Frankismoaren biktimak.- EH Bildu batzarkide-taldeak interpelazio bat aurkeztu du Arabako diputatu nagusiari zuzendua, Arabako frankismoaren biktimen gaineko txostenean oinarritutako kereilari buruz.

Aldiriko trena.- Elkarrekin Araba (Podemos-Ezker Anitza-Equo) batzarkide-taldeak interpelazio bat aurkeztu du Bide Azpiegituren eta Mugikortasunaren Saileko foru-diputatuari zuzendua, Arabako Lurralde Historikoko aldiriko trenaren zerbitzuari buruz, lurraldeko mugikortasun jasangarriko estrategiaren parte den heinean.

Kultura Ondarearen eraikinen ikuskapenak.- Elkarrekin Araba (Podemos-Ezker Anitza-Equo) batzarkide-taldeak interpelazio bat aurkeztu du, Kultura eta Kirol Saileko foru-diputatuari zuzendua, Euskal Kultura Ondarearen arloko araudiaren menpe dauden eraikinen zein horien ondoriozko kontserbazio-obren ikuskapen teknikoak babesteari, kontrolatzeari eta horien jarraipena egiteari buruz.

Vitoria-Gasteizko merkataritzaren egoera.- Arabako Popularrak batzarkide-taldeak interpelazio bat aurkeztu du Enplegu, Merkataritza eta Turismo Sustapenaren eta Foru Administrazioaren Saileko foru-diputatuari zuzendua, Vitoria-Gasteizko merkataritzaren egoerari buruz.

GALDERAK

Lan eta Zerbitzuen Foru Plana.- EH Bildu batzarkide-taldeak osoko bilkuran erantzuteko galdera bat aurkeztu du, Lurralde Orekaren Saileko foru-diputatuari zuzendua, Lan eta Zerbitzuen Foru Planari buruz.

Mugarri Plana.- EH Bildu batzarkide-taldeak osoko bilkuran erantzuteko galdera bat aurkeztu du, Ingurumen eta Hirigintza Saileko foru-diputatuari zuzendua, Mugarri Planari eta lurraldeko haize-proiektuei buruz.

Eurocoparen eragina Euskadin.- Elkarrekin Araba (Podemos-Ezker Anitza-Equo) batzarkide-taldeak osoko bilkuran erantzuteko galdera bat aurkeztu du, Enplegu, Merkataritza eta Turismo Sustapenaren eta Foru Administrazioaren Saileko foru-diputatuari zuzendua, jakiteko zer nolako gestioak egingo dituen bere Sailak Eurocopak Euskadin izango duen eragina aprobetxatzeko ALHaren sustapen eta garapen ekonomikorako.

De Miguel kasuaren epaia.- Arabako Popularrak batzarkide-taldeak osoko bilkuran erantzuteko galdera bat aurkeztu du, Arabako diputatu nagusiari zuzendua, De Miguel kasua izenez ezagutzen den ustelkeria-kasuaren gaineko epaiari buruz.

Miñoien Kidegoaren lanpostu hutsak.- Arabako Popularrak batzarkide-taldeak osoko bilkuran erantzuteko galdera bat aurkeztu du, Arabako diputatu nagusiari zuzendua, Miñoien Kidegoaren lanpostu hutsak esleitzeko lekualdatze-lehiaketari eta zerbitzuen batzordeari buruz.

URA-Uraren Euskal Agentzia.- Arabako Popularrak batzarkide-taldeak osoko bilkuran erantzuteko galdera bat aurkeztu du, Ingurumen eta Hirigintza Saileko foru-diputatuari zuzendua, Uraren Euskal Agentziari buruz.

Jaiotzengatiko laguntzak.- EH Bildu batzarkide-taldeak batzordean erantzuteko galdera bat aurkeztu du, Ogasun, Finantza eta Aurrekontu Saileko foru-diputatuari zuzendua, Pertsona Fisikoen Errentaren gaineko Zergari buruzko 33/2013 Foru Araua aldatzen duen urtarrilaren 16ko 1/2019 Foru Araua indargabetzeari buruz, jaiotzengatiko zuzeneko laguntzen lerroari dagokionez.

Otsoaren erasoak.- Elkarrekin Araba (Podemos-Ezker Anitza-Equo) batzarkide-taldeak idatziz erantzuteko galdera bat aurkeztu du, Nekazaritza Saileko foru-diputatuari zuzendua, otsoak abereei egindako erasoen gainean hartutako neurriei buruz.

Kontratazioa enpresekin.- Arabako Popularrak batzarkide-taldeak idatziz erantzuteko galdera bat aurkeztu du, Arabako Foru Aldundiari zuzendua, Arabako Foru Aldundiaren menpeko edozer sailek, elkarte publikok edo erakunde autonomok enpresa jakin batzuk kontratatzeari buruz.

Nerbioiko Parke Linealeko lanak.- Arabako Popularrak batzarkide-taldeak idatziz erantzuteko galdera bat aurkeztu du, Ingurumen eta Hirigintza Saileko foru-diputatuari zuzendua, Nerbioiko Parke Linealeko lanen inguruko hainbat gairi buruz.

Itelazpiko telekomunikazioen zentroak.- Arabako Popularrak batzarkide-taldeak idatziz erantzuteko galdera bi aurkeztu ditu, Nekazaritza Saileko foru-diputatuari zuzenduak, Itelazpi SAk kudeatutako eta Uribarri Gaubeako herriko 125. zenbakidun Onura Publikoko Mendian eta Zuatzu Kuartango herriko 425. zenbakidun Onura Publikoko Mendian kokatutako Telekomunikazio Zentroen okupazioa erregularizatzeko espedientea ebazten duen 307/2019 Foru Aginduan ezarritako bigarren baldintzaren betetze mailari buruz.

Gizarte Zerbitzuen zorroa.- EH Bildu batzarkide-taldeak idatziz erantzuteko galdera bat aurkeztu du, Gizarte Politiken Saileko foru-diputatuari zuzendua, Gizarte Zerbitzuen Euskal Sistemaren Prestazio eta Zerbitzuen Zorroari buruzko Dekretuari eta beste hainbat gairi buruz.

INFORMAZIO-ESKAERAK

Enplegu-politiken arloko lankidetza-protokoloa.- EH Bildu batzarkide-taldeak informazio-eskaera bat aurkeztu du, Arabako diputatu nagusiari zuzendua, enplegu-politiken eta gizarteratze- eta laneratze-politiken lankidetza-protokolo instituzionalaren kopia eskatzeko.

Alde horretatik, Arabako Popularrak batzarkide-taldeak informazio-eskaera bat aurkeztu du, Arabako Foru Aldundiari zuzendua, Eusko Jaurlaritza-Lanbiderekin urtarril honetan enplegu-politikak koordinatzeko sinatutako protokoloaren edo hitzarmenaren kopia eskatzeko.

Eskalmendiko finka esperimentala.- Elkarrekin Araba (Podemos-Ezker Anitza-Equo) batzarkide-taldeak informazio-eskaera bat aurkeztu du, Nekazaritza Saileko foru-diputatuari zuzendua, Eskalmentiko finka esperimentalari buruz.

Kontratuak De Miguel kasuaren enpresekin.- EH Bildu batzarkide-taldeak informazio-eskaera bat aurkeztu du, 2005. urtetik gaur arte De Miguel epaian agertzen diren enpresekin sinatutako kontratuen zerrenda eskatzeko.

Emandako FGZPE.- EH Bildu batzarkide-taldeak informazio-eskaera bat aurkeztu du, Gizarte Politiken Saileko foru-diputatuari zuzendua, Arabako Lurralde Historikoan emandako Familia Giroan Zaintzeko Prestazio Ekonomikoen kopuru osoari buruz.

Fakturak enpresa jakin batzuekin.- Arabako Popularrak batzarkide-taldeak informazio-eskaera bat aurkeztu du, Arabako Foru Aldundiari zuzendua, Arabako Foru Aldundiaren menpeko edozer sailek, elkarte publikok edo erakunde autonomok 2015eko ekainaren 30etik aurrera enpresa jakin batzuekin kontratatutako zerbitzuen fakturen kopia eskatzeko.

Museoetara eta erakusketa-aretoetara joaten den jende-kopurua.- Arabako Popularrak batzarkide-taldeak informazio-eskaera bat aurkeztu du, Kultura eta Kirol Saileko foru-diputatuari zuzendua, Arabako Foru Aldundiaren mendeko hainbat museotara eta erakusketa-aretoetara joaten den jende-kopuruari buruz.

Mendekotasunaren balioespena.- EH Bildu batzarkide-taldeak informazio-eskaera bat aurkeztu du, Gizarte Politiken Saileko foru-diputatuari zuzendua, mendekotasun-balioespena duten pertsonei eta beste gai batzuei buruz.

Hizkuntza ofizialen erabilera.- Arabako Popularrak batzarkide-taldeak informazio-eskaera bat aurkeztu du, Arabako Foru Aldundiari zuzendua, Arabako Foru Aldundiko Administrazio Orokorrean hizkuntza ofizialen erabilerari buruzko irizpideak onartzen dituen abenduaren 27ko 57/2019 Foru Dekretuaren izapidetze-espedientearen kopia eskatzeko.

Batzarkide-talde horrek ere informazio-eskaera bat aurkeztu du, Arabako Foru Aldundiari zuzendua, Arabako Foru Aldundiko Administrazio Orokorrean hizkuntza ofizialen erabilerari buruzko irizpideak onartzen dituen abenduaren 27ko 57/2019 Foru Dekretua egiteko eta izapidetzeko prozedura banatzen duen urratsen zerrenda eskatzeko.

LANTALDEAK

 

Gaitasun handiko bideei buruzko lantaldea.- EAJ-PNV eta Euskal Sozialistak batzarkide-taldeek Bide Azpiegituren eta Mugikortasunaren Batzordean lantalde bat sortzeko eskera bat aurkeztu dute, Arabako Lurralde Historikoaren Errepideen Foru Sareko gaitasun handiko bideen finantzazio- eta kudeaketa-sistemari buruz. 

© Arabako Batzar Nagusiak 2010 Vicente Goicoechea kalea, 2 01008 Vitoria-Gasteiz Tel.: 945 125 103
Irisgarritasuna- Legezko abisua- Datuen babesa-