kontaktatu | informazio eskaera | GUNE PRIBATUA | loturak | gunearen mapa eu | es |
Hemen zaude: Hasiera > Gaurkotasuna > Berriak >

  • En directo
  • Mediateca
  • Histórico de vídeos
  • Expedientes
  • Relación con la ciudadanía
  • Transparencia

2020-04-02 - Mahaikideen bileraimagen

Arabako Batzar Nagusietako Mahaia gaur arratsaldean bildu da era telematikoan Pedro Elosegi jauna buru dela, eta honako gai hauek jorratu ditu, besteak beste:  

AGERRALDIAK

Krisi sanitarioa.- Arabako Foru Aldundiak diputatu Arabako Foru Aldundiak Diputatu nagusiaren agerraldia eskatu du, bilkura informatiboan, Arabako Foru Aldundiak COVID-19k eragindako krisi sanitarioaren ondorioez egindako gestioaz.

Alde horretatik, EH Bildu Batzarkide Taldeak Arabako diputatu nagusiaren agerraldia eskatu du, Araudi eta Barne Gobernurako Batzordean, azalpenak eman ditzan Foru Aldundiko sailek zein bere foru-organismoek  COVID-19k gure lurraldean sortutako egoera larriari aurre egiteko burututako jarduketez eta neurriez eta gerora begirako aurreikuspenez.

Bere aldetik, Arabako Popularrak Batzarkide Taldeak Arabako diputatu nagusiaren agerraldia eskatu du, Araudi eta Barne Gobernurako Batzordean, azalpenak eman ditzan COVID-19k adinekoen egoitzetan eta etxebizitza komunitarioetan eta oro har Gizarte Ongizateko baliabideetan sortu duen egoeraz.

Era berean, Elkarrekin Araba (Podemos-Ezker Anitza-Equo) Batzarkide Taldeak Arabako diputatu nagusiaren agerraldia eskatu du, Araudi eta Barne Gobernurako Batzordean, informazioa eman dezan hartu diren neurriez eta Arabako Foru Aldundiaren mendeko arlo guztietako aurreikuspenei eta izan litezkeen egoerei buruz.

GALDERAK

Gizarte-zerbitzuetan hornidura antolatzeko neurriak.- EH Bildu Batzarkide Taldeak idatziz erantzuteko galdera bat aurkeztu du, Gizarte Politiken Saileko foru diputatuari zuzendua, martxoaren 23ko SND/275/2020 Aginduari buruz, zeinaren bidez antolaketa-arloko neurri osagarriak ezartzen baitira, bai eta informazioa hornitzearen arlokoak, COVID-19k eragindako krisi sanitarioaren kudeaketaren inguruko egoitza-zerbitzu sozialetako zentroen esparruan.

Informazioa gizarte-balibideetako erabiltzaileei.- Elkarrekin Araba (Podemos-Ezker Anitza-Equo) Batzarkide Taldeak idatziz erantzuteko galdera bat aurkeztu du, Gizarte Politiken Saileko foru diputatuari zuzendua, Aldundiaren baliabideetako erabiltzaileei eta beren familiei emandako informazioari buruz.

Funtsezkotzat jotako zerbitzuak.- EH Bildu Batzarkide Taldeak idatziz erantzuteko galdera bat aurkeztu du, Arabako diputatu nagusiari zuzendua, Fpru Gobernuak funtsezkotzat jotako zerbitzuei buruz.

INFORMAZIO-ESKAERAK

Ikuskapenak adinekoen egoitzetan.- EH Bildu Batzarkide Taldeak informazio-eskaera bat egin du, Gizarte Politiken Saileko foru diputatuari zuzendua, eskatzeko otsailaren 15etik Arabako Lurralde Historikoko adinekoentzako egoitza publiko eta pribatuetan egindako ikuskaritzako txosten guztien kopian.

Alde horretatk, Elkarrekin Araba (Podemos-Ezker Anitza-Equo) informazio-eskaera bat egin du, Gizarte Politiken Saileko foru diputatuari zuzendua, Aldundiaren baliabideetan, itundutako egoitza pribatuetan eta esku-hartutako egoitza pribatuetan egindako ikuskapenei buruz eta jarduketa-protokoloei buruz.

COVID-19 birusak kutsatutako pertsonak.- EH Bildu Batzarkide Taldeak informazio-eskaera bat egin du, Gizarte Politiken Saileko foru diputatuari zuzendua, COVID-19 birusak kutsatutako pertsonen kopuruari buruzko zenbait konturen berri izate aldera.

Une hauetan lanean ari diren AFAko beharginak.- EH Bildu Batzarkide Taldeak informazio-eskaera bat egin du, Enplegu, Merkataritza, eta Turismo Sustapenaren eta Foru Administrazioaren Sailari zuzendua, euren zereginetan presentzialki ari diren eta telelanean ari diren AFAko langileen kopuruari buruz.

COVID-19 birusak kutsatutako langileak.- EH Bildu Batzarkide Taldeak informazio-eskaera bat egin du, Gizarte Politiken Saileko foru diputatuari zuzendua, COVID-19 birusak kutsatutako langileen kopuruari buruzko zenbait konturen berri izate aldera.

PROPOSAMENAK

Elkarrekin Araba (Podemos-Ezker Anitza-Equo) Batzarkide Taldeak hainbat proposamen aurkeztu ditu COVID19ren krisiak sortutako oinarrizko gizarte-beharrizanei erantzuna emateko aurrekontu eta gastu publikoaren arloko lehentasunak ezartzeko.

EH Bildu Batzarkide Taldeak proposamen batzuk aurkeztu ditu gizarte-baliabideetako plantillak babesteko eta sendotzeko.

 

Elkarrekin Araba (Podemos-Ezker Anitza-Equo) Batzarkide Taldeak hainbat proposamen aurkeztu ditu bermatzeko tokiko ekoizpen jasangarria eta osasungarria eskuratu ahal izatea eta produktu freskoak kontsumitzaileengana heltzea. 

© Arabako Batzar Nagusiak 2010 Vicente Goicoechea kalea, 2 01008 Vitoria-Gasteiz Tel.: 945 125 103
Irisgarritasuna- Legezko abisua- Datuen babesa-