kontaktatu | informazio eskaera | GUNE PRIBATUA | loturak | gunearen mapa eu | es |
Hemen zaude: Hasiera > Gaurkotasuna > Berriak >

  • En directo
  • Mediateca
  • Histórico de vídeos
  • Expedientes
  • Relación con la ciudadanía
  • Transparencia

2020-05-12 - Mahaikideen bileraimagen

Arabako Batzar Nagusietako Mahaia gaur arratsaldean bildu da era telematikoan Pedro Elosegi jauna buru dela, eta honako gai hauek jorratu ditu, besteak beste:  

MOZIOAK

COVID-19ren ondorioak tokiko entitateen finantzazioan.- EH Bildu Batzarkide Taldeak mozio bat aurkeztu du, COVID19aren ondorioz sortutako krisi soziosanitarioak Arabako Toki Erakundeen finantzazioan izango dituen ondorioei eta arlo honetan hartu beharreko neurriei buruz. Presako prozeduraz izapidetuko da.

Sozietateen Zerga malgutzea.- Arabako Popularrak Batzarkide Taldeak osoko bilkuran eztabaidatzeko mozioa aurkeztu du, ahalbidetzeko malgutze- eta geroratze-aukera gehiago egon daitezela Sozietateen gaineko Zergaren ordainketan enpresa txiki eta ertainentzat, bai eta mikroenpresentzat ere.  Presako prozeduraz izapidetuko da.

Ardogintzaren plan estrategikoa.- EH Bildu Batzarkide Taldeak mozio bat aurkeztu du, COVID-19aren krisiaren aurrean, ardogintzaren inguruko plan estrategikoa sortzearen alde. Presako prozeduraz izapidetuko da.

Tokiko entitateen finantzazioa.- Arabako Popularrak Batzarkide Taldeak osoko bilkuran eztabaidatzeko mozioa aurkeztu du, tokiko entitateen finantzazio-tresnen irizpideak aldatzeko beharrari buruz. Presako prozeduraz izapidetuko da.

AGERRALDIAK Arabako Popularrak Batzarkide Taldeak

Eskalmendiko laborategia eskaintzea.- Arabako Popularrak Batzarkide Taldeak Nekazaritza Saileko foru diputatuaren agerraldia eskatu du, azaldu dezan osasun agintariei eskaini ote dien Eskalmediko laborategiko PCR ekipamendua erabiltzeko aukera.

GALDERAK

Lokalen modernizazioa eta irisgarritasuna.- Arabako Popularrak Batzarkide Taldeak idatziz erantzuteko galdera bat egin du, Enplegu, Merkataritza, eta Turismo Sustapenaren eta Foru Administrazioaren Saileko foru diputatuari zuzendua, ekipamendu, lokalak eta irisgarritasuna modernizatzeko 2019. urteko programari buruz.

Laguntzak Samaniegoko suteak kaltetutakoei.- Arabako Popularrak Batzarkide Taldeak idatziz erantzuteko galdera bat egin du, Nekazaritza Saileko foru diputatuari zuzendua, Samaniegoko herriaren pabilioien sutearen ondorioz kaltetuentzako laguntzei buruz.

Nekazaritza produktuaren merkataritza Arabako Popularrak Batzarkide Taldeak idatziz erantzuteko galdera bat egin du, Nekazaritza Saileko foru diputatuari zuzendua, nekazaritza- eta elikadura-produktuaren eta haren elaboratuak tokiko merkatu eta azoketan saltzearen arloan indarrean den legeriaren arabera.

Ardi-abereen errolda.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, ardi-abereen erroldari buruz.

Nekazaritza-ustiategietan inbertsioak egiteko laguntzak.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, nekazaritza-ustiategietan inbertsioak egiteko laguntzen oinarri erregulatzaileei buruz eta laguntza horiek 2020rako konbokatzeari buruz.

Gaztandegi eta esne-industriaren arteko akordioa.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, apirilaren 30ean gaztandegiek eta esnearen industriak erdietsitako akordioari buruz, zeinak bermatzen baitu latxa ardien artzainei esnea batzen zaiela.

Assag arrazako ardiak.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, Assaf arrazako ardiei buruz eta 2018an eta 2019an laguntzak izan dituzten abeltzaintza-ustiategiei buruz.

Mahasti Zaharraren Mantentze Plana.- Arabako Popularrak Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, Mahasti zaharra mantentzeko plana deritzon partidari buruz.

VIAren aurrekontu-partidak.- EH Bildu Batzarkide Taldeak Idatziz erantzuteko galdera bat aurkeztu du, lehen diputatu nagusiorde eta Garapen Ekonomiko, Berrikuntza eta Erronka Demografikoaren Saileko foru diputatuari zuzendua, VIAri lotutako bi aurrekontu-partidei buruz.

INFORMAZIO-ESKAERAK

AFAk bidalitako eta jasotako dokumentuak.- Arabako Popularrak Batzarkide Taldeak informazio-eskaera bat aurkeztu du, Diputatu Nagusiaren Sailari zuzendua, Arabako Foru Aldundiko sailek COVID 19ren inguruan jasotako eta bidalitako dokumentuei buruz.

Alde horretatik, batzarkide-talde horrek berak informazio-eskaera egin dio Diputatu Nagusiaren Sailari, Eusko Jaurlaritzatik eta bestelako organismoetatik jasotako dokumentuei buruz, eta Arabako Foru Aldundiko sailek COVID 19ren inguruan jasotako eta bidalitako dokumentuei buruz.

Landa-bideetarako laguntzak.- Arabako Popularrak Batzarkide Taldeak informazio-eskaera bat aurkeztu du, Nekazaritza Saileko foru diputatuari zuzendua, landa-bideak hobetzeko edo eraikitzeko Arabako tokiko entitateek 2017an, 2018an eta 2019an egindako laguntza-eskaerei buruz.

Erremolatxa-azalera eta -ekoizpena.- Arabako Popularrak Batzarkide Taldeak informazio-eskaera egin dio Nekazaritza Saileko foru diputatuari, 2018-2019 kanpainatik 2019-2020 kanpainara Arabako azukre-erremolatxaren azalera eta ekoizpenak izandako bilakaerari buruz.

Zerbitzu eta horniduren kontratuak.- EH Bildu Batzarkide Taldeak hainbat informazio-eskaera aurkeztu du, Diputatu Nagusiaren sailari, Nekazaritza Sailari, Kultura eta Kirol Sailari, Enplegu, Merkataritza eta Turismo Sustapenaren eta Foru Administrazioaren Sailari, Ogasun, Finantza etaAurrekontu Sailari, Ingurumen Sailari, Bide Azpiegituren eta Mugikortasunaren Sailari, Gizarte Politiken Sailari zerbitzu-kontratu eta segidako prestazioko hornidurak eta obra-kontratuei buruz, zeinei aplikatu baitzaie COVID-19ren inpaktu ekonomiko eta sozialari aurre egiteko ezohiko premiazko neurriei buruzko martxoaren 17ko 8/2020 Errege Lege-Dekretuaren 34. artikulua

Babes-materiala erostea.- EH Bildu Batzarkide Taldeak informazio-eskaera bat aurkeztu du, Arabako Foru Aldundiari zuzendua, COVID-19ri aurre egiteko babes-materiala eskuratzeari buruz.

BESTELAKO GAIAK

Ana Salazar Aguayo batzarkide andreak kexa-idazkia aurkezten du, Lurralde Orekaren Saileko zuzendari Jesús María Guineak Batzar Nagusietako Batzorde Iraunkorrak 2020ko maiatzaren 6an egindako bilkuran izan zen agerraldian berari egindako laidoak eta ahozko irainak direla-eta.

© Arabako Batzar Nagusiak 2010 Vicente Goicoechea kalea, 2 01008 Vitoria-Gasteiz Tel.: 945 125 103
Irisgarritasuna- Legezko abisua- Datuen babesa-