kontaktatu | informazio eskaera | GUNE PRIBATUA | loturak | gunearen mapa eu | es |
Hemen zaude: Hasiera > Gaurkotasuna > Berriak >

  • En directo
  • Mediateca
  • Histórico de vídeos
  • Expedientes
  • Relación con la ciudadanía
  • Transparencia

2020-04-29 - Mahaikideen bileraimagen

Arabako Batzar Nagusietako Mahaia gaur arratsaldean bildu da era telematikoan Pedro Elosegi jauna buru dela, eta honako gai hauek jorratu ditu, besteak beste:  

PRESA FISKALEKO DEKRETU ARAUEMAILEA

Tributuen egokitzapena.- Arabako Foru Aldundiak aurkeztu du Foru Gobernu Kontseiluaren 4/2020 Zerga premiazko araugintzako dekretua, apirilaren 21ekoa. Onestea premiazko neurriak hauen gaineko zergetan, COVID-19ren eragin ekonomikoari aurre egiteko: balio erantsia, zerga bereziak eta ondare eskualdaketa eta egintza juridiko dokumentatuak.

MOZIOAK

Kalteak kulturaren sektorean.- EH Bildu Batzarkide Taldeak mozioa aurkeztu du, COVID-19ak kulturan eta euskal kulturgintzan eragin dituen eta eragingo dituen kalteei aurre egiteko premiazko neurriei buruz. Presako prozeduraz izapidetuko da.

Neurriak lehen sektorean.- EH Bildu Batzarkide Taldeak mozioa aurkeztu du, COVID-19aren ondorioz, eta aurrera begira, lehenengo sektorean hartu beharreko neurrien inguruan. Presako prozeduraz izapidetuko da.

Aramadaren zabalpena bertan behera uztea.- EH Bildu Batzarkide Taldeak mozioa aurkeztu du, COVID-19 birusak eragindako larrialdi egoera dela-eta, Espainiako Armadaren Arabako Lurralde Historikoan burututako zabalpena bertan behera gera dadila eskatzeko.

Gizrtzeratzerako laguntzak eskuratzeko eskakizunak malgutzea.- Elkarrekin Araba (Podemos-Ezker Anitza-Equo)  Batzarkide Taldeak mozioa aurkeztu du, gure lurraldeko gizarteratzerako laguntza ekonomikoak eskuratzeko betekizunak malgutzeko, COVID-19ren pandemian sortu diren gizarte-behar berrien eta horren ondoren sortuko direnen aurrean. Presako prozeduraz izapidetuko da.

Eskumenak berreskuratzea.- EH Bildu Batzarkide Taldeak mozioa aurkeztu du, Espainiako Gobernuak ezarritako Alarma Egoeraren ondorioz EAEko euskal instituzioek galdutako eskumenak berreskuratzeko premiari buruzkoa. Eskatzen da presako prozeduraz izapidetzea. Presako prozeduraz izapidetuko da.

Neurriak nekazaritza eta abeltzaintzaren sektorean.- Arabako Popularrak Batzarkide Taldeak mozioa aurkeztu du, COVID-19k eragindako kalte handia dela-eta nekazaritzaren eta abeltzaintzaren sektoreari laguntzeko neurriei buruz.

Babesa ardoa, txakolin eta sagardoari.- Arabako Popularrak Batzarkide Taldeak mozioa aurkeztu du, Arabako ardoa, txakolina eta sagardoaren sektoreari babesa emateko.

AGERRALDIAK

Diputatu nagusia.- Arabako Popularrak Batzarkide Taldeak Arabako diputatu nagusiaren agerraldia eskatu du, COVID-19ren pandemiaren inguruan Diputatu Nagusiaren Sailaren eskumenen esparruan hartutako neurrien berri eman dezan.

Ariznabarra egoitzako menuetan aldaketak.- Elkarrekin Araba (Podemos-Ezker Anitza-Equo) Batzarkide Taldeak Gizarte Politiken Saileko foru diputatuaren agerraldia eskatu du, azaltzeko COVID-19k eragindako krisian zehar Ariznabarra egoitzan eta ALHko gainerako egoitzetan eskaintzen ari diren menuetan egindako aldaketak.

GALDERAK

Erizaintzako laguntzaileak.- EH Bildu Batzarkide Taldeak idatziz erantzuteko galdera bat aurkeztu du, Gizarte Politiken Saileko foru diputatuari zuzendua, Aldundiaren egoitzetan COVID-19rekin diagnostikatutako adinekoak artatzen dituzten erizain laguntzaileei buruz.

Suhiltzaileen Foru Organismoa.- Arabako Popularrak Batzarkide Taldeak idatziz erantzuteko galdera bat aurkeztu du, Lurralde Orekaren Saileko foru diputatuari zuzendua, Arabako Lurralde Historikoko suhiltzaileen kidegoari buruz eta COVID-19ren krisia dela-eta egindako desinfekzio-lanei edo bestelako zereginei buruz.

Gizarte-baliabideetako langileak.- EH Bildu Batzarkide Taldeak idatziz erantzuteko galdera bat aurkeztu du, Gizarte Politiken foru diputatuari zuzendua, Hirugarren Sektoreko gizarte-baliabideetako langileei buruz.

Adinekoei eta mendetasuna duten pertsonentzako azalpen-gidak.- EH Bildu Batzarkide Taldeak idatziz erantzuteko galdera bat aurkeztu du, Gizarte Politiken Saileko foru diputatuari zuzendua, COVID-19k sortutako egoera adinekoei eta mendetasuna duten pertsonei azaltzeko gida errazak egiteari buruz.

Bilerak eragile sozial, ekonomiko eta kulturalak.- EH Bildu Batzarkide Taldeak idatziz erantzuteko galdera bat aurkeztu du, diputatu nagusiari zuzendua, apirilaren 21eko prentsaurrekoan iragarri ziren eragile ekonomiko, sozial eta kulturalekin egun beharreko bilerei buruz.

Ondorioak indarkeria matxistaren esparruan.- EH Bildu Batzarkide Taldeak idatziz erantzuteko galdera bat aurkeztu du, ahaldun nagusiari zuzendua, COVID-19 krisiari aurre egiteko neurriek indarkeria matxista sufritzen duten emakumeen gainean izan ditzaketen eragin negatiboak kontuan hartzeari eta hauei irtenbidea bilatzeari buruz.

Dohaintza-sistema.- Elkarrekin Araba (Podemos-Ezker Anitza-Equo) Batzarkide Taldeak idatziz erantzuteko galdera aurkeztu du, Ogasun, Finantza eta Aurrekontu Saileko foru diputatuari zuzendua, AFAk COVID-19k eragindako krisia dela-eta abian jarri duen dohaintza-sistemari buruz.

INFORMAZIO-ESKAERAK

Erreferentziazko zentroak.- Arabako Popularrak Batzarkide Taldeak informazio-eskaera egin du, Zadorra egoitza, Lakua Zetro Okupazionala eta beste baliabide batzuk COVID-19rekin kutsatu diren Aldundiaren sareko baliabideetako erabiltzaileentzat erreferentziazko zentro gisa izendatzeko erabakiari buruz.

PROPOSAMENAK

Agerraldi presentzialak.- EH Bildu Batzarkide Taldeak proposatu du egiteke dauden foru diputatuen agerraldiak era presentzialean egiteko.

Arreta eta prebentzioa landa-inguruneetan.- Elkarrekin Araba-Podemos/Ezker Anitza/Equo Batzarkide Taldearen proposamena, deskonfinamendu-fasean zehar ALHko landa-inguruneko herritarrei koronabirusaren aurkako arreta soziosanitarioa, prebentzioa eta babesa emateko.

© Arabako Batzar Nagusiak 2010 Vicente Goicoechea kalea, 2 01008 Vitoria-Gasteiz Tel.: 945 125 103
Irisgarritasuna- Legezko abisua- Datuen babesa-