Arabako Batzar Nagusietako Mahaia gaur goizean bildu da Pedro Elosegi jauna buru dela, eta honako gai hauek jorratu ditu, besteak beste:  

MOZIOA

Genero-indarkeriaren arloko terminologia.- EH Bildu Batzarkide Taldeak mozio bat aurkeztu du, Lehendakaritza, Euskara, Berdintasuna, Lankidetza eta Giza Eskubideen Batzordean eztabaidatzeko, Arabako Foru Aldundiak indarkeria matxistaren arloan argitara emandako dokumentuetan zaharkitutako terminologia deuseztatzeari buruz.

GALDERAK

Datuen babesa GOFE.- Elkarrekin Araba (Podemos - Ezker Anitza – Equo) Batzarkide Taldeak idatziz erantzuteko galdera bat aurkeztu du, Gizarte Politiketako foru diputatuari zuzendua, Gizarte Ongizatearen Foru Erakundearen barruko datuen babesari buruz.

Arabako Errioxa marka.- Elkarrekin Araba (Podemos - Ezker Anitza – Equo) Batzarkide Taldeak idatziz erantzuteko galdera bat aurkeztu du, Nekazaritza Saileko foru diputatuari zuzendua, Arabako Errioxa markari buruz.

Gaubea-Miranda autobusa kentzea.- EH Bildu Batzarkide Taldeak idatziz erantzuteko galdera bat aurkeztu du, Bide Azpiegiturak eta Mugikortasun Saileko foru diputatuari zuzendua, Gaubea eta Miranda lotzen zituen autobus-zerbitzua kendu izanari buruz.

Egoitza-baliabideak berrezartzea.- Arabako Popularrak Batzarkide Taldeak idatziz erantzuteko galdera bat aurkeztu du, Gizarte Politiken foru diputatuari zuzendua, adinekoen egoitzetako eta eguneko zentroetako baliabideak berrezartzeko programei buruz.

Esku-hartzeak A132n Azazetan.- Arabako Popularrak Batzarkide Taldeak idatziz erantzuteko galdera bat aurkeztu du, Bide Azpiegituren eta Mugikortasunaren Saileko foru diputatuari zuzendua, inguruari segurtasun handiagoa emateko A-123 errepidearen Azazetako tartean aurreikusita dauden jarduketei buruz.

N-124 errepidearen lanen atzerapena.- Arabako Popularrak Batzarkide Taldeak idatziz erantzuteko galdera bat aurkeztu du, Bide Azpiegituren eta Mugikortasunaren Saileko foru diputatuari zuzendua, N-124 errepidearen konexio-, desdoblamendu- eta hobekuntza-lanak burutzeko atzerapenari buruz.

Udalerri txikietako autonomoentzako laguntzak.- EH Bildu Batzarkide Taldeak idatziz erantzuteko galdera bat aurkeztu du, lehen diputatu nagusiorde eta Garapen Ekonomiko, Berrikuntza eta Demografia Erronkaren Saileko foru diputatuari zuzendua, ALHko udalerrietan despopulazioa saiheste aldera 1000 biztanletik beherako udalerrietan erroldatuta dauden profesional autonomoentzako laguntza-lerroari buruz.

INFORMAZIO-ESKAERAK

Errehabilitazioan diren Arabako Jokalarien Elkartea.- EH Bildu Batzarkide Taldeak informazio-eskaera egin dio Gizarte Politiken Saileko foru diputatuari, eskatzeko Errehabilitazioan diren Arabako Jokalarien Elkarteak (ASAJER) burututako jardueren, programen eta ekintzen 2018ko memoriaren kopia.

Biodibertsitatearekin errespetuzkoak diren eraikin-zaharberritzeak.- Arabako Popularrak Batzarkide Taldeak informazio-eskaera egin dio Kultura eta Kirol Saileko foru diputatuari, eskatzeko ondare historikoko eraikin publiko edo pribatuen zaharberritzeak erregulatzeko foru-arauaren zirriborroaren kopia, zehaztuz zein diren biodibertsitatea eskastea saihesteko jarduerak.